मुंबई: गुगलकडून कंपनीकडून प्रथम पक्षाशी (First Party) माहिती जाहिरातीच्या व्यासपीठाशी जोडण्यासाठी एक विशेष डेटा मॅनेजर नावाचे टूल विकसित करण्यात आले आहे. आर्टिफिशियल इंटेलिजन्सचा जलवा बाजारात चालू असताना संबंधित आवश्यक असलेली फर्स्ट पार्टी माहिती जाहिरात व्यासपीठाशी जोडण्यासाठी हे लाँच केले गेल्याचे गुगलने आपल्या माहितीत स्पष्ट केले आहे. त्यामुळे व्यवसायिक कंपन्या आता त्यांची प्रथमदर्शनी माहिती जाहिरात माध्यमांशी सहजपणे शेअर करू शकतात.
त्यामुळे ही क्लिष्ट पद्धती गुगलने हटवली असून आर्टिफिशियल इंटेलिजन्स माध्यमातून सहज शेअर करता येणार आहे. एकाच इंटिग्रेशन फ्लोमधून माहिती प्रभावीपणे पाठवल्याने कंपनीच्या विपणन विभागाच्या (Marketing Department) कमाईतही वाढ अपेक्षित असल्याचे सांगितले जात आहे. व्यवसायांना त्यांचा फर्स्ट-पार्टी डेटा त्याच्या जाहिरात प्लॅटफॉर्मशी जोडण्याची प्रक्रिया सुलभ करण्यासाठी डिझाइन करण्यात आले. याच्या अनावरणासोबतच प्रसिद्ध झालेल्या नवीन डेटानुसार, ज्या विक्रेत्यांनी कृत्रिम बुद्धिमत्तेला (आर्टिफिशियल इंटेलिजन्स) चा वापर मोठ्या प्रमाणात केला जाऊ शकतो. म्हणूनच अहवालातील माहितीनुसार, त्यांना त्यांच्या प्रतिस्पर्धकांच्या तुलनेत ६०% अधिक महसूल वाढ मिळत आहे.
डेटा मॅनेजर एपीआय आता गुगल ॲड्स, गुगल ॲनालिटिक्स आणि डिस्प्ले अँड व्हिडिओ ३६० वर उपलब्ध आहे, आणि कंपनीच्या मते, भविष्यात आणखी ठिकाणी दिसू शकतो.डेटा मॅनेजर एपीआय डेव्हलपर्स, एजन्सी आणि जाहिरातदारांना गुगल ॲड्ससोबत एकत्रीकरण (Integration) करून स्वयंचलित कनेक्शन तयार करण्यास सक्षम करते असे टूलविषयी बोलताना गुगलने म्हटले आहे. त्यामुळे आता गुगलच्या विविध उत्पादनांमध्ये एकाहून अधिक एपीआय टूल व्यवस्थापित करण्याची गरज उरलेली नाही.याच कारणासाठी गुगलने AdSwerve, CustomerLabs, Datahash, Fifty-Five, Hightouch, Jellyfish, Lytics, Tealium, Treasure Data आणि Zapier यांसारख्या अनेक मार्टेक आणि डेटा इन्फ्रास्ट्रक्चर कंपन्यांसोबत भागीदारी केल्याचे कंपनीने स्पष्ट केले.
याविषयी बोलताना कंपनीने सांगितले आहे की, ही नवीन प्रणाली एक केंद्रीकृत, सुरक्षित कनेक्शन तयार करते, ज्यामुळे जाहिरातदारांना गुगलच्या एआयवर चालणाऱ्या मोहिमेची क्षमता अधिक चांगल्या प्रकारे वापर करता येऊ शकते.',हे उत्पादन गुगलच्या कोडलेस डेटा मॅनेजर सोल्यूशनवर आधारित आहे, ज्याने आधीच हजारो जाहिरातदारांना त्यांचा फर्स्ट-पार्टी डेटा जोडण्यास आणि कार्यान्वित करण्यास मदत केली आहे, असेही कंपनीने म्हटले आहे.
ट्रेझर डेटाचे तंत्रज्ञान भागीदारी संचालक थान ट्रॅनलॅम्बर्ट म्हणाले, 'डेटा मॅनेजर एपीआय आमच्यासाठी गेमचेंजर ठरला आहे. या एकाच इंटिग्रेशनमुळे आमचे आर्किटेक्चर खूप सोपे झाले आहे आणि आमचा अभियांत्रिकी खर्च मोठ्या प्रमाणात कमी झाला. सर्वात महत्त्वाचे म्हणजे, यामुळे आम्हाला ग्राहकांचा डेटा जवळपास रिअल-टाइममध्ये गुगल ॲड्सशी जोडता येतो, ज्यामुळे आमचे ग्राहक त्यांच्या विपणन प्रयत्नांमध्ये अधिक चपळ आणि प्रभावी बनतात. हे आमच्या प्लॅटफॉर्मसाठी एक खरी शक्तीवर्धक बाब आहे.'
कंपनीने असाही दावा केला आहे की या इंटिग्रेशनमुळे अभियांत्रिकी प्रयत्नांमध्ये ८०% कपात झाली आहे. हे लाँच फर्स्ट-पार्टी डेटा आणि एआय-आधारित ऑटोमेशनला आधुनिक जाहिरात पायाभूत सुविधांचा पाया म्हणून स्थापित करण्याच्या गुगलच्या सततच्या प्रयत्नांचे संकेत देते.
