मोहित सोमण: सकाळच्या सत्रात इंडिगो (IndiGo) कंपनीचा शेअर सलग सातव्या सत्रात घसरल्याने गुंतवणूकदारांचे मोठे नुकसान झाले आहे. दुपारी १२ वाजेपर्यंत एअर लाईन्स कंपनी इंडिगो (Interglobe Aviation Limited) कंपनीचा शेअर ७.६३% उसळत ४९६०.५० रुपयांवर व्यवहार करत आहे. उपलब्ध माहितीनुसार, कंपनीचा शेअर गेल्या सात सत्रात १५.२७% घसरला असून यापूर्वी कंपनीचा शेअर आज ४९४१.०० रूपये नीचांकी पातळीवर पोहोचला होता. इंडिगो विमाने सातत्याने रद्द होत असताना मोठ्या प्रमाणात विमान व्यवस्थेतील खेळाखंडोबा उद्धृत झालेला दिसला. असे असताना विशेषतः कंपनीच्या कामकाजावर टिका करण्यात आली. कंपनीने लवकरच व्यवस्था पूर्ववत होईल असे आश्वासन दिले असले तरी प्रसारमाध्यमांनी दिलेल्या वृत्तानुसार कंपनीच्या सीईओपदी असलेल्या व्यक्तीला नारळ द्यावा लागू शकतो या सगळ्या घडामोडींमुळे कंपनीचा शेअर मोठ्या प्रमाणात घसरला आहे
कंपनीच्या व्यवस्थापनात बदल होण्याच्या प्रक्रियेला वेग आल्याने तसेच कारणे दाखवा नोटीशीसाठी एक दिवस मुदतवाढ दिली असताना नव्या माहितीनुसार आज पुन्हा एकदा इंडिगोची २०० विमाने आज रद्द झाली. या सगळ्या घडामोडींमुळे कंपनीच्या शेअरवर सत्र सुरूवातीलाच दबाव निर्माण झाला. गुंतवणूकदार एअरलाइनच्या नजीकच्या भविष्यातील भविष्याबाबत वाढत्या अनिश्चिततेशी झुंजत आहेत. डीजीसीएने बदललेल्या नियमांची अंमलबजावणी करण्यास विमान कंपनी अपयशी ठरल्याने गुंतवणूकदारांकडूनही प्रश्नचिन्ह उपस्थित होत आहेत. या नव्या नियमानुसार, सुधारित पायलट ड्युटी-टाइम नियमांनुसार रोस्टर संबंधित अपयश आणि क्रू-व्यवस्थापनातील त्रुटी स्पष्ट करण्यासाठी इंडिगोच्या नेतृत्वावर प्रश्नचिन्ह उपस्थित केले गेले.
त्यामुळे कंपनीच्या शेअर्समध्ये ब्रोकरेजकडू नजीकच्या काळातील चिंता व्यक्त केली गेली. काही कंपन्यांनी आधीच किंमत लक्ष्य (Target Price TP) कमी केले आहेत. यासह रद्दीकरण (Cancellation) आणि नियामक परिणाम (Regulatory Impact) कायम राहिल्यास आणखी घसरण होण्याची चेतावणी दिली आहे. ते संभाव्य भरपाई देयके, परतफेड दायित्वे आणि वाढत्या क्रू-भरती खर्चामुळे कमी होत असलेल्या मार्जिनकडे विश्लेषकही निर्देश करत आहेत. तथापि, इतर विश्लेषकांचा असा युक्तिवाद आहे की इंडिगोचा प्रमुख देशांतर्गत बाजार हिस्सा, मोठा फ्लीट आकार आणि मजबूत ब्रँड अजूनही दीर्घकालीन खेळासाठी एक व्यवहार्य असला तरी जर ऑपरेशन्स लवकर सामान्य होऊन प्रवाशांची मागणी लवचिक राहू शकते. इंडिगो किती लवकर ऑपरेशन्स स्थिर करू कंपनीला पुन्हा उभारी देईल यावर शेअरचे भवितव्य दिसू शकते. गेल्या ५ दिवसात कंपनीचा शेअर १४.२२%, महिनाभरात ११.०३%, ६ महिन्यात १२.७०% घसरण झाली असून गेल्या वर्षभरात शेअरमध्ये १०.७५% वाढ झाली आहे.
स्पाईस जेट शेअर्समध्ये मोठी वाढ -
इंटरग्लोब एव्हिऐशनचा प्रतिस्पर्धी स्पाईस जेट शेअर्समध्ये प्रचंड मोठी वाढ झाली आहे. दुपारी १२.२१ वाजेपर्यंत कंपनीच्या शेअर्समध्ये १०.२५% वाढ झाल्याने शेअर ३४.१० रूपये पातळीवर पोहोचला आहे. गेल्या दोन सत्रात शेअर १७% उसळला होता. स्पर्धक असलेल्या इंडिगो कामगिरीत उतरती कळा लागल्याने स्पाईस जेट आपल्या विमानसेवेत वाढ केली ज्याचा फायदा अनेक प्रवाशांना झाल इंडिगोची कंपनी मोठ्या प्रमाणात विमानसेवा रद्द करत असताना, या स्पाईस जेट कंपनीच्या विस्तारित कामकाजाबाबत आशावाद वाढला आहे. आठवड्याच्या शेवटी, इंडिगोची पालक कंपनी इंटरग्लोब एव्हिएशनने शुक्रवारी केवळ ७०० हून अधिक उड्डाणे चालविल्याची पुष्टी केली नेटवर्क व्यत्यय येत असल्याने त्यापैकी बरीच उड्डाणे रद्द करण्यात आली असे कंपनीने स्पष्ट केले होते याउलट, स्पाइसजेटने आपली क्षमता वाढवली आहे. स्पाईस जेट कडून अडकलेल्या प्रवाशांची वाहतूक कमी करण्यासाठी एअरलाइनने शुक्रवारी दिल्ली आणि मुंबईहून अनेक मार्गांवर नवीन उड्डाणे सुरू केली. कंपनीच्या शेअर्समध्ये आज मोठी वाढ झाली असताना गेल्या ५ दिवसात कंपनीच्या शेअर्समध्ये ५.२६% वाढ झाली असून गेल्या महिनाभरात ०.५८% वाढ नोंदवली आहे. तर सहा महिन्यांत कंपनीच्या शेअर्समध्ये २०.७१% घसरण झाली आहे. वर्षभरात कंपनीच्या शेअर्समध्ये ४३.१२% घसरण झाली. कंपनीच्या पोर्टफोलिओत आणखी १९ विमाने वाढणार असल्याने गुंतवणूकदारांनी शेअरला मोठा प्रतिसाद दिला.