मोहित सोमण: ९२१ कोटींच्या एईक्वियस लिमिटेड (Aequs Limited IPO) आयपीओसाठी आज सुरूवात झाली आहे. प्रसारमाध्यमांनी दिलेल्या माहितीनुसार, पहिल्या दिवशीच कंपनीचा आयपीओ संपूर्णपणे सबस्क्राईब झाला आहे. कंपनीच्या मजबूत फंडामेंटलमुळे व आगामी विकसित घोडदौडीला कौल देत गुंतवणूकदारांनी कंपनीच्या भविष्यावर शिक्कामोर्तब या निमित्ताने केले आहे. आज पहिल्याच दिवशी ४.२० कोटी शेअर्स तुलनेत ५.१४ कोटी शेअर्सचे बिडिग (Bidding) झाले असल्याची माहिती पुढे आली. एनएसईवरील अधिकृत आकडेवारीनुसार, एकूण ४.२० शेअरसाठी ५.१४ कोटी लोकांनी बोली लावली होती. तसेच दुपारी १.१७ वाजेपर्यंत एकूण कंपनीच्या आयपीओला १.७३ पटीने सबस्क्रिप्शन मिळाले आहे. पात्र संस्थात्मक गुंतवणूकदारांकडून अद्याप सबस्क्रिप्शन मिळाले नसले तरी किरकोळ घरगुती (Retail Investors) गुंतवणूकदारांकडून कंपनीच्या आयपीओला ७.०३ पटीने व विना संस्थात्मक गुंतवणूकदारांकडून १.५९ पटीने सबस्क्रिप्शन मिळाले आहे.
हा आयपीओ आज ३ डिसेंबरपासून ते ५ डिसेंबर पर्यंत बाजारात गुंतवणूकदारांसाठी दाखल झाला आहे. ८ डिसेंबरपर्यंत पात्र गुंतवणूकदारांची निश्चिती होणार असून बीएसई व एनएसईवर १० डिसेंबरला शेअर बाजारात सूचीबद्ध (Listed) होणार आहे. किरकोळ गुंतवणूकदारांना किमान १४४७० रूपये गुंतवणूक अनिवार्य करण्यात आली होती. कंपनीने प्राईज बँड ११८ ते १२४ रूपये प्रति शेअर निश्चित केला होता तर कंपनीच्या कर्मचाऱ्यांसाठी ११ रुपये प्रति शेअर सवलत आयपीओसाठी देण्यात आली होती. अँकर गुंतवणूकदारांकडून कंपनीने कालच ४१३.९२ कोटींची उभारणी केली होती. तर ९२१.८१ कोटी बूक व्हॅल्यु असलेल्या आयपीओत ५.४० कोटी शेअर्सचा फ्रेश इशू असून उर्वरित २.०३ शेअर ऑफर फॉर सेल (OFS) असणार आहे.
कंपनीने दिलेल्या माहितीनुसार, या आयपीओतील मिळणाऱ्या निधीचा वापर आगाऊ देय भरण्यासाठी, थकबाकी चुकती करण्यासाठी, इतर उपकंपनीत गुंतवणूकीसाठी, भांडवली खर्चासाठी ळ इतर मशिनरी खरेदीसाठी, व्यवसायिक वृद्धीसाठी करण्यात येणार आहे.
कंपनी प्रामुख्याने एरोस्पेस विभागासाठी लागणाऱ्या घटकांच्या निर्मितीमध्ये कार्यरत आहे. कंपनी ग्राहक इलेक्ट्रॉनिक्स, प्लास्टिक आणि ग्राहकोपयोगी वस्तूंच्या निर्मितीमध्ये देखील गुंतलेली आहे. एरोस्पेस एक्व्स पूर्णपणे एकात्मिक एरोस्पेस उत्पादन क्षमतांसह एकाच एसईझेडमध्ये (Special Economic Zone SEZ) मध्ये कार्यरत असणारी वस्तूंची निर्मिती करणारी कंपनी आहे. कंपनी इंजिन सिस्टम, लँडिंग सिस्टम, कार्गो आणि इंटीरियर, स्ट्रक्चर्स, असेंब्ली आणि टर्निंगसाठी लागणारे घटक पुरवते.
आर्थिक बाजू पाहिल्यास, कंपनीच्या महसूलात इयर ऑन इयर बेसिसवर ३% वाढ झाली असून करोत्तर नफ्यात (PAT) इयर ऑन इयर बेसिसवर ६१९% घसरण झाली आहे. कंपनीच्या उत्पन्नात तिमाही बेसिसवर मार्च तिमाहीतील ९५९.२१ कोटी तुलनेत सप्टेंबर महिन्यात ५६५.५५ कोटींवर घसरण झाली आहे.तर ईबीटा EBITDA (करपूर्व कमाई) तिमाही बेसिसवर मार्च तिमाहीतील १०७.९७ कोटींच्या तुलनेत सप्टेंबर तिमाहीत ८४.११ कोटींवर घसरला आहे. कंपनीचे सध्याचे बाजार भांडवल (Market Capitalisation). ८३१६.०६ कोटी रूपये आहे.
