२०२५ हे वर्ष चित्रपटसृष्टीसाठी अत्यंत यशस्वी ठरले आहे. या वर्षात अनेक उत्कृष्ट चित्रपट प्रदर्शित झाले असून, त्यांनी बॉक्स ऑफिसवर रेकॉर्ड ब्रेक कमाई केली आहे. या यादीत अ‍ॅक्शन, रोमान्स आणि थ्रिलर अशा विविध प्रकारच्या चित्रपटांचा समावेश आहे. वर्ष संपत आले असले तरी, मोठ्या चित्रपटगृहांमध्ये प्रदर्शित होणाऱ्या चित्रपटांची रांग अजूनही कायम आहे. नुकताच प्रदर्शित झालेला 'तेरे इश्क में' हा २ तास २७ मिनिटांचा रोमँटिक चित्रपट सध्या जबरदस्त चर्चेत आहे. या चित्रपटाने प्रदर्शित होताच पहिल्याच दिवशी बॉक्स ऑफिसवर प्रचंड कमाई केली आहे. या धमाकेदार ओपनिंगमुळे 'तेरे इश्क में' या चित्रपटाने २०२५ वर्षातील सर्वात मोठ्या हिट चित्रपटांमध्ये आपले स्थान पक्के केले आहे. या चित्रपटातील मुख्य अभिनेत्याने आपल्या अभिनयाने प्रेक्षकांना भुरळ पाडली आहे. विशेष म्हणजे, या अभिनेत्याने 'तेरे इश्क में' च्या कमाईने त्याच्या मागील चित्रपटाचा विक्रमही मोडीत काढला आहे. सध्या या चित्रपटाची जबरदस्त क्रिझ (Craze) चित्रपटगृहांमध्ये पाहायला मिळत आहे.
कचरा अधिक वाहून नेण्याची क्षमता कॉम्पॅक्टर लवकर खराब न होण्यासाठी केली वेगळी सुधारणा भविष्यात कचरा गाड्यांचे रंग बदलले जाणार मुंबई (विशेष ...
'रांझणा' चित्रपटाचा रेकॉर्ड मोडला
अभिनेता धनुष (Dhanush) आणि अभिनेत्री कृती सेनन (Kriti Sanon) यांचा बहुप्रतिक्षित रोमँटिक चित्रपट "तेरे इश्क में" अखेर चित्रपटगृहात प्रदर्शित झाला असून, त्याने पहिल्याच दिवशी बॉक्स ऑफिसवर धुमाकूळ घातला आहे. या चित्रपटाने प्रदर्शित होताच १६.५० कोटी रुपयांची दमदार कमाई केली आहे. या कमाईमुळे या चित्रपटाने २०२५ च्या हिट चित्रपटांमध्ये आपले स्थान पक्के केले आहे. विशेष म्हणजे, प्रदर्शित होण्यापूर्वी 'तेरे इश्क में' या चित्रपटाला आनंद एल. राय यांच्या २०१३ मध्ये आलेल्या सुपरहिट चित्रपट "रांझणा"चा सिक्वेल म्हणून ओळखले जात होते. चित्रपटाची कथा पूर्णपणे वेगळी असली तरी, या चर्चांमुळे चित्रपटाबद्दल प्रेक्षकांमध्ये प्रचंड उत्सुकता निर्माण झाली होती. या उत्सुकतेमुळेच चित्रपटाच्या प्रदर्शनापूर्वीच ॲडव्हान्स बुकिंगने मोठी कमाई केली. केवळ ॲडव्हान्स बुकिंगमधूनच निर्मात्यांना तब्बल ५.६४ कोटी रुपये मिळाले, ज्यामुळे चित्रपटाने रिलीज होण्याआधीच जोरदार कमाई केली. धनुषने कमाईच्या बाबतीत स्वतःच्या हिंदी चित्रपट "रांझणा"चा विक्रमही मोडीत काढला आहे. पहिल्याच दिवशी मिळालेल्या या जबरदस्त प्रतिसादामुळे चित्रपटाला आगामी काळात मोठी कमाई करण्याची संधी आहे.
'तेरे इश्क में'ची जबरदस्त ओपनिंग
आनंद एल. राय यांच्या २०१३ मध्ये प्रदर्शित झालेल्या धनुषच्या सुपरहिट चित्रपट "रांझणा"ने पहिल्या दिवशी ५.१२ कोटी रुपयांची कमाई केली होती. मात्र, "तेरे इश्क में" या चित्रपटाने केवळ ॲडव्हान्स बुकिंगमध्येच ही कमाई मागे टाकली होती. रिलीज झाल्यानंतर पहिल्या दिवशी मिळालेल्या प्रचंड प्रतिसादामुळे हा चित्रपट धनुषचा आतापर्यंतचा सर्वात मोठा ओपनिंग (Biggest Opener) चित्रपट ठरला आहे. क्रिती सेनन आणि धनुष यांच्या या चित्रपटाने २०२५ वर्षातील सर्वात मोठा ओपनर चित्रपट म्हणून आपले स्थान पक्के केले आहे. चित्रपटाची कमाई अशीच सुरू राहिली, तर "तेरे इश्क में" हा या वर्षीचा सर्वात मोठा रोमँटिक चित्रपट ठरलेल्या "सैयारा"चा (Saiyara) विक्रमही मोडण्यास सज्ज झाला आहे. वीकेंडमध्ये या चित्रपटाच्या कमाईत आणखी मोठी वाढ होण्याची अपेक्षा आहे.
