मोहित सोमण: आज सकाळी निफ्टी ५० निर्देशांकात नवा उच्चांक (All time High) प्रस्थापित झाला आहे. काल थोड्या अंकाने वंचित राहिलेला निफ्टी आज पुन्हा जोरदार वापसी करत सुरूवातीच्या ट्रेडिंगमध्ये २६२८५.९५ पातळी गाठण्यास यशस्वी ठरला आहे. गेल्या १४ महिन्यातील ही सर्वाधिक मोठी वाढ आज झाली. सकाळी गिफ्ट निफ्टीतील वाढीच्या संकेतानंतरच आज मोठे संकेत बाजारात मिळत होते बँक निफ्टीनेही सकाळी सकाळी २३५ अंकाने उसळल्याने ५९८०४.६४ अंकांची पातळी आज पार पाडली होती. युएस फेड व्याजदरात कपातीची अपेक्षा गुंतवणूकदारांनी व्यक्त केल्यानंतर गेले दोन दिवस बँक, वित्तीय शेअर चांगली कामगिरी करत आहेत. आज सकाळी तेजीच्या संकेतांनंतर सेन्सेक्स १३१.६२ व निफ्टी ५५.९५ अंकाने बाजारात उघडला होता. आज हा २६२८५.९५ नवा उच्चांक गाठण्यापूर्वी सप्टेंबर २०२४ महिन्यात २६२७७.३७ हा नवा उच्चांक निफ्टीने गाठला होता.
याविषयी बाजारावर प्रतिकिया देताना बँकिंग आणि बाजार तज्ज्ञ अजय बग्गा यांनी प्रसारमाध्यमांना सांगितले आहे की,'सप्टेंबर २०२४ मध्ये गाठलेल्या सर्वकालीन उच्चांकी पातळीला परत मिळवण्यासाठी भारतीय बाजारपेठा चांगल्या स्थितीत आहेत. त्या पातळीच्या वर गेल्यामुळे गेल्या १४ महिन्यांत कमी कामगिरी करणाऱ्या भारतीय बाजारपेठांमध्ये जलद गतीने वाढ होण्याचा मार्ग मोकळा होऊ शकतो. ऐतिहासिक आकडेवारीवरून असे दिसून येते की इतक्या कमी कामगिरीनंतर, भारतीय बाजारपेठा पुढील १२ महिन्यांत मजबूत परतावा देण्याची शक्यता आहे'.
बग्गा पुढे म्हणाले की, पुढील दोन तिमाहीत कॉर्पोरेट कमाईत सुधारणा होण्याची अपेक्षा आहे आणि सहाय्यक वित्तीय आणि चलनविषयक धोरणे आणि देशांतर्गत वापर पुनर्संचयित झाल्यामुळे, एकूण सेटअप भारतीय इक्विटीसाठी सकारात्मक होत आहे.कमोडिटीज विभागात, सोने आणि चांदीनेही जागतिक संकेतांचा मागोवा घेत त्यांची वरची गती कायम ठेवली.'
आजच्या बाजारातील निफ्टीबाबत डॉ. व्ही.के. विजयकुमार, मुख्य गुंतवणूक रणनीतिकार, जिओजित इन्व्हेस्टमेंट्स लिमिटेड म्हणाले आहेत की,'काल निफ्टीमध्ये ३२० अंकांच्या तेजीसह, बाजाराची रचना तेजीच्या स्थितीत बदलली आहे. निफ्टी आणि सेन्सेक्ससाठी नवीन सर्वकालीन उच्चांक हा फक्त काळाचा प्रश्न आहे. उच्च एफआयआय शॉर्ट पोझिशनसह बाजाराची तांत्रिक रचना देखील तेजीसाठी अनुकूल आहे. महत्त्वाचे म्हणजे, आर्थिक वर्ष २६ च्या तिसऱ्या आणि चौथ्या तिमाहीत अपेक्षित असलेल्या संभाव्य उत्पन्न वाढीमुळे तेजीला मूलभूत आधार मिळाला आहे. ऑक्टोबरमध्ये झालेल्या उपभोगातील तेजीमुळे प्रभावी उत्पन्न वाढीचा परिणाम होईल. जर हा ट्रेंड कायम राहिला, जरी सणासुदीच्या हंगामानंतर थोडासा बदल झाला तरी, पुढे कमाईची वाढ चांगली राहील आणि बाजारात तेजी येईल. परंतु मूल्यांकने त्यास समर्थन देत नसल्याने तीक्ष्ण टिकाऊ वाढीला जागा नाही. मूलभूतपणे बँक निफ्टीमध्ये नवीन विक्रमी उच्चांक गाठण्याची ताकद आहे. फेडकडून दर कपातीची अपेक्षा आणि रशिया-युक्रेन शांतता करारामुळे जागतिक स्तरावर शेअर बाजारांच्या भावना सुधारल्या आहेत.
कालच्या तेजीने आपल्याला २६४७०-५५० पातळीच्या उद्दिष्टावर टिकून राहण्यास प्रोत्साहित केले आहे, परंतु सध्या तरी, या पॅटर्नने चार दिवसांच्या घसरणीच्या पूर्वाग्रहालाच नकार दिला आहे असे दिसते, आणि त्याहून अधिक काही नाही. या दिशेने, जरी आपण आज २६१६५ पातळीच्या वर सकारात्मक पूर्वाग्रहाने सुरुवात करू, तरी २६०९८ पातळीच्या वर तरंगू शकलो नाही तर, जलद नफा बुकिंगच्या जोरावर आपले लक्ष असेल.'
