कराची: पाकिस्तानमध्ये एक धक्कादायक घटना घडली आहे. सिंध प्रांतातील काश्मिरमध्ये रॉकेट स्फोटात तीन मुलांचा मृत्यू झाला आहे. ही मुलं ८ ते १२ वयाच्या दरम्यान होती. मिळालेल्या माहितीनुसार, ही घटना कंधकोट शहराजवळ एका शेतात खेळत होती. तेव्हा त्यांना जवळच्या शेतात सापडलेल्या रॉकेटसोबत ते खेळत असताना झालेल्या स्फोटात या मुलांचा दुर्दैवी मृत्यू झाला. या प्रकरणानंतर बॉम्ब निकामी पथकाकडून रॉकेटच्या तुकड्यांची तपासणी केली जात आहे.
पाकिस्तानमध्ये यापूर्वीही अशाच प्रकारच्या घटना घडल्या आहेत. अलिकडेच, खैबर पख्तूनख्वा या अशांत वायव्य प्रांतात, मुलांनी बॉम्बला खेळणे समजून त्याचा स्फोट झाला. या बॉम्बमध्ये दोन सख्ख्या भावांसह अनेक लहानग्यांचा मृत्यू झाला. तर बन्नूमधील वझीर उपविभागातील जानी खेल परिसरात मुले मदरशातून घरी परतत असताना मोर्टार शेलचा स्फोट झाला आणि यात अनेक लहानग्यांचा मृत्यू झाला होता.
अयोध्या: अयोध्येतील राम मंदिरात आज ध्वजारोहण समारंभ पार पडला. अयोध्येत राम मंदिराच्या शिखरावर अखेर भगवा फडकला आणि समस्त हिंदूंचे स्वप्न साकार झाले ...
मुलांनी ज्याला खेळणे समजले होते, ते तपासात स्फोटक यंत्रे असल्याचे निष्पन्न झाल्याच्या अनेक घटना आजवर घडल्या आहेत. अशा बहुतांश घटना वायव्य पाकिस्तानमध्ये नोंदवल्या गेल्या आहेत. १९८० च्या दशकात, सोव्हिएत सैन्याने त्यांच्या आक्रमणाला विरोध करणाऱ्या लोकांवर शस्त्र म्हणून वापरण्यासाठी शेजारच्या अफगाणिस्तानात असे मोर्टार शेल टाकले. हे मोर्टार शेल 'खेळण्यांसारखे' दिसतात. आता बऱ्याचदा मुले हे मोर्टार शेल 'खेळणी' समजून उचलतात आणि त्यांना जीव गमवावा लागतो.
