साप्ताहिक राशिभविष्य, २३ नोव्हेंबर ते २९ नोव्हेंबर २०२५
 | मित्रमंडळींच्या वर्तुळात प्रिय व्हालमेष : आपण केलेले कार्य नावाजले जाऊन आपल्या व्यक्तिमत्त्वाचा प्रभाव इतरांवर असेल. सर्वत्र गौरव व प्रशंसेस पात्र ठराल. सामाजिक अथवा धार्मिक कार्यात सक्रिय योगदान द्याल. त्यासाठी स्वतःचा वेळ व पैसा खर्च कराल. मित्रमंडळींच्या वर्तुळात प्रिय व्हाल. व्यवसाय-धंद्यातील परिस्थिती उत्तम राहील. सकारात्मक विचारांच्या व्यक्ती भेटतील. नवीन ओळखीतून चांगले लाभ होतील मात्र आपण स्वतः सकारात्मक राहून प्रतिसाद देणे गरजेचे ठरेल. व्यवसाय धंद्यातील आर्थिक परिस्थिती मजबूत राहील. नवीन नियोजन करू शकाल अथवा व्यवसाय विस्ताराच्या बाबतीमध्ये विचार करू शकाल. बँकेची कामे होतील. महत्त्वाची कार्ये गतिमान होऊन ती पूर्ण होतील. |
 | चिंता मिटतीलवृषभ : आपण व्यवसाय-धंद्यातील तेजी अनुभवू शकाल. दीर्घकाळ रखडलेली व्यावसायिक येणे अचानक वसूल झाल्यामुळे आश्चर्य वाटेल. व्यवसाय-धंद्यात काही नवीन बदल करावेसे वाटतील, ते जरूर करा. व्यवसाय विस्ताराच्या दृष्टिकोनातून ते फायदेशीर ठरतील. भागीदारीच्या व्यवसायात भागीदाराचे म्हणणे ऐकून घ्या. त्याप्रमाणे निर्णय घ्या. व्यावसायिक प्रदर्शने व मुलाखती सफल राहतील. कुटुंबातील मुला-मुलींकडून सुवार्ता मिळतील. त्याचप्रमाणे कुटुंबात एखादे मंगल कार्य घडण्याची शक्यता आहे. तरुण-तरुणींचे प्रश्न निकालात निघतील. नियोजन सफल राहील. नोकरीविषयक प्रश्न सुटतील. चिंता मिटतील. तणावमुक्त वातावरणाचा लाभ होईल. सामाजिक, धार्मिक कार्यात रस घ्याल. |
 | गैरसमज होण्याची शक्यतामिथुन : कुटुंबातील तरुण-तरुणींचे विवाह निश्चित होण्यामधील अडीअडचणी अथवा समस्या दूर होऊन विवाह निश्चित होतील. काहींचे परिचयोत्तर विवाह ठरतील. तरुण-तरुणींना आपला आवडता जीवनसाथी निवडता येईल. प्रेमात यश संपादित करू शकाल. मात्र अति आत्मविश्वासाने कोणतेही कार्य करू नका. गैरसमज होण्याची शक्यता. कुटुंबातील सर्व सदस्यांचे अपेक्षित सहकार्य मिळत राहील. नोकरीतील परिस्थिती समाधानकारक राहील. व्यवसाय-धंद्यात काही नवीन संधी निर्माण होतील. त्याचा फायदा अवश्य घ्या. तसेच व्यावसायिक पद्धतीत बदल करावेसे वाटतील. भागीदारीच्या व्यवसायात आपले इतरांशी होणारे संभाषण मधुर ठेवा. |
 | उत्पन्नाचे नवे स्त्रोत दिसतीलकर्क : या सप्ताहात काही चांगल्या गोष्टींचा लाभ घेता येईल. नोकरीत मात्र वरिष्ठांशी जुळवून घ्यावे लागेल. नोकरीत बदल संभवतो. धार्मिक कार्यात रस वाढेल. आपल्या बोलण्याने गैरसमज होणार नाहीत याची दक्षता घ्या. उत्पन्नाचे नवे स्त्रोत दिसतील. महत्त्वाचे प्रश्न सुटल्यामुळे ताणतणावरहित वातावरणाचा लाभ मिळेल. कुटुंबातील मुलींकडून त्यांच्या प्रगतीपर बातम्या कानावर येतील. सभा-समारंभाची निमंत्रणे मिळतील. एखादे मानाचे स्थान किंवा पद मिळेल. सहकुटुंब सहपरिवार एखाद्या धार्मिक पवित्र स्थळी भेट देण्याचे योग आहेत. आर्थिक परिस्थिती समाधानकारक राहील. |
 | सुख-समाधान मिळेलसिंह : सदरील काळामध्ये कौटुंबिक गोष्टींना प्राधान्य दिल्यास सुख समाधान मिळेल. कुटुंबातील प्रश्नांकडे अथवा समस्यांकडे लक्ष दिल्यास त्या लवकर सुटतील. व्यवसाय धंद्यामध्ये परिस्थिती समाधानकारक राहील. आर्थिक परिस्थिती सुधारेल. व्यवसायातील नवीन बदल पोषक ठरतील. स्थावर मालमत्ता विषयीचे प्रश्न सोडविता येतील. कोर्टकचेरीच्या कामात सफलता मिळेल. विवाहयोग्य तरुण-तरुणींचे विवाह ठरतील. प्रवासाचे योग आहेत. मात्र प्रवास जपून करावेत. तसेच खाण्या पिण्यावर नियंत्रण ठेवणे गरजेचे राहील. |
 | कार्यमग्न राहण्याची गरजकन्या : या आठवड्यात आपल्या कार्यक्षेत्रात नवीन नवीन संधी उपलब्ध होतील. त्याचे सोने करणे आपल्याच हातात आहे हे लक्षात ठेवावे. प्रयत्न कमी पडून देऊ नयेत. सतत कार्यमग्न राहण्याची गरज. नोकरीमध्ये वरिष्ठांशी जुळवून घ्यावे लागेल. तसेच काही नवीन संधी मिळू शकतील. त्या संधींकडे एक आव्हान म्हणून स्वीकारल्याचा फायदा होईल. आर्थिक आवक चांगली राहील. आर्थिक लहान-मोठे व्यवहार सावधानतेने करावेत. वाहने चालविताना वाहनाच्या वेगावर नियंत्रण ठेवा. |
 | वाद-विवाद टाळातूळ : दीर्घकाळ रखडलेले जमिनीविषयीचे अथवा स्थावरमालमत्तेच्या विषयीचे व्यवहार गतिशील होतील. ओळखी मध्यस्थीमुळे आर्थिक फायदा होऊ शकतो. तसेच वडिलोपार्जित संपत्तीविषयीचे वाद शमतील. कुटुंबातील ज्येष्ठ व्यक्तींच्या सल्ल्यानुसार मार्ग निघेल. नोकरीतील वातावरण अनुकूल राहील. पदोन्नती घटना घडू शकतात. कुटुंब परिवारात अचानक काही समस्या निर्माण होण्याची शक्यता आहे. चर्चेने प्रश्न सुटू शकतात. इतरांच्या मताला प्राधान्य द्या. विद्यार्थ्यांचे परदेश गमन सफल होईल. प्रवासाचे योग आहेत.कुटुंबात सुवार्ता मिळतील. |
 | महत्त्वाकांक्षा अचानक पूर्ण होईलवृश्चिक : हा आठवडा सर्व बाबतीत आनंददायी व अनुकूल घटनांनी व्याप्त राहील.बरेच दिवस मनात घोळत असलेली एखादी महत्त्वाकांक्षा अचानक पूर्ण होईल. विशेषतः स्थावर व जमिनीविषयी असलेली कामे गतीमान होतील. कुटुंबात असलेले वाद-विवाद व मतभेद संपतील. नवीन नात्यास सुरुवात होईल. कुटुंबात व परिवारात मंगल कार्य घडेल. नोकरी- व्यवसायात तसेच धंद्यात अपेक्षित सर्व कामे होतील. जुनी येणी वसूल होतील. मात्र भागीदारी व्यवसायात आपल्या वर्चस्वाला नियंत्रणात ठेवा. व्यवसायासाठी बदल पोषक ठरतील. |
 | अनुकूल वार्ता कानावर येतीलधनु : या आठवड्यात आपण काही रखडलेले महत्त्वाचे निर्णय घेऊ शकाल. कुटुंब परिवारातील समस्या त्यामुळे सुटतील. कुटुंबातील तरुण-तरुणींचे प्रश्न सुटतील. नोकरीविषयक अनुकूल वार्ता कानावर येतील. पूर्वी दिलेल्या मुलाखतीमधून नोकरीचे बोलावणे येऊ शकते. आप्तेष्ट नातेवाईक यांच्याशी संबंध सुधारतील. मंगल कार्याचे निमंत्रण मिळेल; परंतु आपल्या वर्तणुकीने रंगाचा बेरंग होऊ शकतो. हितकारक ठरेल. सदस्यांच्या प्रकृती बद्दल काळजी घ्या. पथ्ये पाळा. |
 | अडचणी येण्याची शक्यता आहेमकर : महत्त्वाच्या कामात या आठवड्यात अडचणी येण्याची शक्यता आहे. थोडा संयम बाळगणे गरजेचे आहे. कामाचा ताण जाणवू शकतो. दगदग होईल. व्यवसाय-धंद्यात जबाबदारी वाढेल. केलेल्या नियोजनात अचानक बदल करावा लागल्यामुळे गोंधळ उडण्याची शक्यता आहे. आपल्याला झेपतील अशी कामे स्वीकारा. प्रवास काळजीपूर्वक करा. प्रवासात खाण्यापिण्यावर नियंत्रण हवे, तसेच अति आत्मविश्वास घातक ठरू शकेल. स्पर्धा टाळा. विद्यार्थ्यांनी आपल्या अभ्यासावर लक्ष केंद्रित करावे. तसेच कुसंगतीपासून दूर राहा. नोकरीत चांगले योग आहेत. वरिष्ठांचे ऐका. राजकारण आणि गटबाजीपासून दूर राहा. |
 | मानसन्मान वाढेलकुंभ :सामाजिक तसेच धार्मिक कार्यात रस घ्यायला दानधर्म करावासा वाटेल. धार्मिक स्थळी सहकुटुंब सहपरिवार भेट देण्याचे नियोजन होईल. मानसन्मान वाढेल. काही चांगल्या घटना घडतील. त्यामुळे उत्साह आणि आत्मविश्वास वाढेल. नोकरीतील बदल चांगला राहील. सरकारी स्वरूपाच्या नोकरीमध्ये अधिकारात वाढ होईल. अतिरिक्त कार्यभार सोपवला जाण्याची शक्यता मात्र लहान मोठ्या प्रलोभनांपासून दूर राहा. कुटुंब परिवारातील एखाद्या मंगल कार्यामुळे नातेवाईक आप्तेष्ट यांच्या भेटीगाठी होतील. मुलांच्या प्रश्नांना प्राधान्य द्या. व्यवसाय धंद्यात नवीन उत्पन्न स्त्रोत मिळतील. प्रकृतीकडे लक्ष द्या. पथ्ये पाळा. पचनाच्या विकारापासून सावध राहा. |
 | कामे काळजीपूर्वक करामीन : पूर्वी केलेल्या नियोजनाद्वारे आपली कामे काळजीपूर्वक करा. लहान-मोठी कामे इतरांवर सोपवू नका. कार्यमग्न राहण्याची गरज प्रयत्नात कमी पडू देऊ नका. महत्त्वाची कामे पूर्ण होऊ शकतात. मनावरील ताण काही प्रमाणात निघून जाईल. अडचणी दूर होतील. व्यवसायात भरभराट होईल. नवीन कामे हातात मिळतील. व्यवसाय व काम-धंद्यानिमित्त प्रवास करावा लागेल. प्रवासामध्ये आपल्या मौल्यवान वस्तूंची आणि महत्त्वाच्या कागदपत्रांची काळजी घ्यायला विसरू नका. तसेच खाण्यापिण्यावर नियंत्रण ठेवा. व्यवसायासाठी आवश्यक ती ऊर्जा मिळेल. प्रवासात नवीन ओळखी होऊ शकतात. |