मुंबई: भारत आणि दक्षिण आफ्रिका यांच्यातल्या दुसऱ्या कसोटी सामन्याला आजपासून गुवाहाटीमध्ये सुरूवात होणार आहे. दुसऱ्या कसोटी सामन्यानंतर दोन्ही संघांमध्ये तीन एकदिवसीय आणि पाच टी-20 सामन्यांची मालिका होणार आहे. कसोटी मालिकेत दक्षिण आफ्रिका सध्या १-० ने आघाडीवर आहे. तर ३० नोव्हेंबरपासून दोन्ही संघांमध्ये एकदिवसीय सामनांची मालिका खेळवली जाणार आहे. या एकदिवसीय मालिका आणि त्यानंतर होणाऱ्या टी-20 मालिकेसाठी दक्षिण आफ्रिकेच्या टीमची घोषणा करण्यात आली आहे.
एकदिवसीय मालिकेत वेगवान गोलंदाज म्हणून ओळख असलेला कागिसो रबाडा खेळणार नाही. कारण कसोटी मालिकेपूर्वी सराव करताना रबाडाला दुखापत झाल्यामुळे तो दक्षिण आफ्रिकेला परतला आहे. तर आंतरराष्ट्रीय क्रिकेटमधून निवृत्तीचा निर्णय मागे घेतल्यानंतर यष्टीरक्षक क्विंटन डिकॉकचे दक्षिण आफ्रिकेच्या संघात पुनरागमन झाले आहे. नुकत्याच पाकिस्तानविरुद्ध झालेल्या एकदिवसीय मालिकेमध्ये डिकॉकने उत्कृष्ट कामगिरी केली होती.
पाकिस्तानविरुद्धच्या एकदिवसीय मालिकेत दक्षिण आफ्रिकेकडून सर्वाधिक धावा करणाऱ्या खेळाडूंमध्ये दुसऱ्या क्रमांकावर राहिलेल्या लुहान डि प्रिटोरियसला भारताविरुद्धच्या एकदिवसीय मालिकेसाठी संघात स्थान देण्यात आले नाही. तर एडन मार्करमचे टी-20 संघात पुनरागमन झाले आहे. डोनोवन फरेराऐवजी मार्करम संघाचे नेतृत् करणार आहे. तर पाकिस्तानविरुद्धच्या एकदिवसीय मालिकेत न खेळलेला केशव महाराज भारताविरुद्ध वनडे खेळणार आहे. मागच्या वर्षी भारताविरुद्ध टी-20 विश्वचषकचा अंतिम सामना खेळल्यानंतर एकही आंतरराष्ट्रीय सामना न खेळलेला वेगवान गोलंदाज एनरिक नॉर्कियाचे सुद्धा टी-20 संघात पुनरागमन झाले आहे.
मुंबई (खास प्रतिनिधी) : मुंबई महापालिकेची सार्वत्रिक निवडणुकी करता प्रभाग आरक्षण सोडत जाहीर करण्यात आली होती. यासाठी १४ ते २० नोव्हेंबर या कालावधीत ...
दक्षिण आफ्रिकेची एकदिवसीय मालिकेसाठी खेळाडू
टेम्बा बऊमा (कर्णधार), ओटिनिल बार्टमन, मॅथ्यू ब्रीट्जके, डेवाल्ड ब्रेविस, नांद्रे बर्गर, क्विंटन डिकॉक, टोनी डि जॉर्जी, रुबिन हरमन, मार्को यानसन, केशव महाराज, एडन मार्करम, लुंगी एनगिडी, रियान रिकलटन, प्रेनेलन सुब्रायन
दक्षिण आफ्रिकेचा टी-20 संघ
एडन मार्करम (कर्णधार), ओटिनिल बार्टमन, कॉर्बिन बॉश, डेवाल्ड ब्रेविस, क्विंटन डिकॉक, टोनी डी जॉर्जी, डोनोवन फरेरा, रिझा हेन्ड्रिक्स, मार्को यानसन, जॉर्ज लिंडे, केशव महाराज, क्वेना मफाका, डेव्हिड मिलर, लुंगी एनगिडी, एनरिक नॉर्किया, ट्रिस्टन स्टब्स
