छत्रपती संभाजी नगर : गाझा-पॅलेस्टाईन येथे सुरू असलेल्या युद्धाच्या पार्श्वभूमीवर, नागरिकांच्या मदतीच्या नावाखाली क्यूआर कोडच्या माध्यमातून ऑनलाईन पैसे गोळा करण्याचा आणि ते विदेशात वळवण्याचा गंभीर प्रकार समोर आला आहे. एका स्वयंसेवी संस्थेच्या माध्यमातून गोळा करण्यात आलेले १० लाख रुपये विदेशात वळवण्यात आले आहेत. या प्रकरणी एटीएस (ATS) ने तातडीने कारवाई करत सय्यद बाबर अली सय्यद महमूद अली नावाच्या आरोपीला अटक केली असून, त्याच्याविरुद्ध गुन्हा दाखल करण्यात आला आहे. दरम्यान, दिल्लीतील लाल किल्ला परिसरात कारमध्ये झालेल्या स्फोटानंतर देशभरातील महत्त्वाच्या जिल्ह्यांमध्ये हाय अलर्ट (High Alert) जारी करण्यात आला आहे. प्रशासकीय यंत्रणा सर्व पातळीवर बारकाईने लक्ष ठेवून आहे. महाराष्ट्रातील महत्त्वाच्या जिल्ह्यांमध्ये सुरक्षा यंत्रणांनी सुरक्षा वाढवली आहे. या पार्श्वभूमीवर, एटीएसकडून छत्रपती संभाजी नगर (Chhatrapati Sambhaji Nagar) मध्ये शोधमोहीम (Search Operation) सुरू करण्यात आली आहे. गाझा मदतीच्या नावाखाली झालेल्या या गैरप्रकारामुळे आणि दिल्ली स्फोटामुळे निर्माण झालेल्या तणावामुळे सुरक्षा यंत्रणा अधिक सतर्क झाल्या आहेत.
नवी दिल्ली : देशाची राजधानी दिल्ली येथे सोमवारी (सायंकाळी ७ वाजता) झालेल्या भीषण स्फोटामुळे देशात खळबळ उडाली होती. या स्फोटात एकूण १३ निष्पाप लोकांचा ...
पॅलेस्टाईन मदतीच्या नावाखाली बनावट QR कोडचा वापर
गाझा-पॅलेस्टाईन युद्धातील नागरिकांना मदतीच्या नावाखाली ऑनलाइन फसवणूक करून निधी गोळा करण्याच्या प्रकरणात एटीएसच्या (ATS) तपासातून अत्यंत धक्कादायक माहिती समोर आली आहे. आरोपीने नागरिकांना भावनिक आवाहन करून त्यांच्याकडून लाखो रुपये उकळले. तपासात उघड झालेल्या माहितीनुसार, आरोपीने फसवणूक करण्यासाठी दोन संस्थांचा वापर केला ज्यात आरोपीने 'अहमद राजा फाउंडेशन' या नोंदणी नसलेल्या (Unregistered) संस्थेच्या नावाने एक बनावट QR कोड तयार केला. या QR कोडद्वारे नागरिकांना भावनिक साद घालून पैशांची मागणी करण्यात आली. याचबरोबर, त्याने 'राजा एम्पॉवरमेंट फाउंडेशन' या नोंदणीकृत (Registered) संस्थेचा आधार घेऊनही निधी जमा केला. या दोन्ही मार्गांनी जमा केलेले एकूण १० लाख २४ हजार रुपये आरोपीने थेट स्वतःच्या खात्यात वळवून घेतले आहेत. एटीएसच्या या तपासामुळे मदतीच्या नावाखाली सुरू असलेल्या या गंभीर आर्थिक गैरव्यवहाराचा पर्दाफाश झाला असून, नागरिकांनी ऑनलाईन देणगी देताना अधिक सतर्कता बाळगणे आवश्यक असल्याचे या घटनेतून स्पष्ट होते.
'टेरर फंडिंग'च्या दिशेने एटीएसचा तपास
एटीएसच्या तपासानुसार, अटक करण्यात आलेल्या आरोपी बाबर अली याने स्वतःच्या खात्यातील एकूण १० लाख २४ हजार २२० रुपये इतकी मोठी रक्कम एका आंतरराष्ट्रीय पोर्टलद्वारे विदेशात पाठवली आहे. आरोपीने ही रक्कम GOFUNDM.COM या आंतरराष्ट्रीय ऑनलाइन प्लॅटफॉर्मचा वापर करून परदेशात ट्रान्सफर केली. एका स्वयंसेवी संस्थेच्या माध्यमातून गोळा केलेले पैसे थेट विदेशात पाठवल्यामुळे अनेक गंभीर प्रश्न उभे राहिले आहेत, ज्याचा तपास एटीएस करत आहे, ही मोठी रक्कम नेमकी कोणत्या उद्देशाने विदेशात पाठवण्यात आली? विदेशात पाठवलेल्या या पैशांचा कशा प्रकारे वापर करण्यात आला? या पैशांचा वापर दहशतवादी कारवायांसाठी (Terror Funding) तर केला जात नाही ना? या अत्यंत महत्त्वाच्या प्रश्नांची उत्तरे शोधण्यासाठी एटीएसचा तपास आता अधिक तीव्र झाला असून, या तपासातून नेमकी काय माहिती समोर येते, हे पाहाणे आता अत्यंत महत्त्वाचे ठरणार आहे.
