मुंबई : ज्येष्ठ अभिनेते धर्मेंद्र (Dharmendra) यांच्या नाजूक प्रकृतीमुळे संपूर्ण सिनेसृष्टीत चिंतेचे वातावरण असतानाच, त्यांच्या रुग्णालयातील उपचारादरम्यानचा एक अत्यंत भावनिक आणि खासगी व्हिडीओ लीक झाल्याने खळबळ उडाली आहे. प्रकृती ठीक नसल्यामुळे धर्मेंद्र यांना मुंबईतील ब्रीच कँडी रुग्णालयात दाखल करण्यात आले होते. त्यांच्यावर जवळपास १२ दिवस उपचार सुरू होते. सध्या त्यांना हॉस्पिटलमधून डिस्चार्ज मिळाला असून, त्यांच्यावर पुढील उपचार घरीच केले जातील, अशी माहिती कुटुंबीयांनी दिली आहे. लीक झालेल्या आणि व्हायरल होत असलेल्या या व्हिडीओमध्ये धर्मेंद्र यांची प्रकृती अत्यंत चिंताजनक दिसत आहे. ते रुग्णालयाच्या बेडवर पडलेले दिसत आहेत, जणू ते 'जीवन-मरणाची लढाई' लढत आहेत. या भावनिक क्षणी त्यांचे संपूर्ण कुटुंब रुग्णालयात उपस्थित होते. धर्मेंद्र यांना या अवस्थेत बेडवर पडलेले पाहून त्यांची पहिली पत्नी प्रकाश कौर यांना मोठा धक्का बसला. त्यांना आपले अश्रू अनावर झाले आणि त्या मोठमोठ्याने रडताना दिसत आहेत. या कठीण वेळी त्यांचा मुलगा अभिनेता सनी देओल आपल्या आईला सावरताना आणि आधार देताना दिसत आहे. धर्मेंद्र लवकर बरे व्हावेत, यासाठी त्यांचे चाहते प्रार्थना करत असतानाच, हा खासगी व्हिडीओ लीक झाल्यामुळे कुटुंबीयांच्या गोपनीयतेवर प्रश्नचिन्ह निर्माण झाले आहे.
पटणा : बिहार निवडणुकीच्या निकालांवरून स्पष्ट झाले आहे की एनडीएने राज्यात प्रचंड बहुमत मिळवून सत्ता पुन्हा मिळवली आहे. या निकालानंतर, नितीश कुमार ...
"हाय रब्बा, लवकर ठीक व्हा!" - धर्मेंद्र यांना पाहून पत्नी प्रकाश कौर ढसाढसा रडल्या
The Full Video From Dharmendra ji His discharge from the Hospital But health is not Well Please Pray For Dharmendra ji 🙏 #DharmendraDeol #dharmendra pic.twitter.com/D7Z56vrbVo
— Jolly Christian (@Jolly7294) November 13, 2025
ज्येष्ठ अभिनेते धर्मेंद्र यांच्या प्रकृतीबद्दल चाहत्यांमध्ये चिंतेचे वातावरण असतानाच, त्यांच्या रुग्णालयातील उपचारादरम्यानचा एक भावनिक व्हिडीओ सोशल मीडियावर तुफान व्हायरल होत आहे. या व्हिडीओमध्ये संपूर्ण देओल कुटुंब एका कठीण परिस्थितीतून जात असल्याचे स्पष्टपणे दिसत आहे. व्हायरल झालेल्या या व्हिडीओमध्ये धर्मेंद्र यांच्यासोबत त्यांचे संपूर्ण कुटुंब उपस्थित आहे. धर्मेंद्र यांची पहिली पत्नी प्रकाश कौर, मुलगे सनी देओल आणि बॉबी देओल तसेच त्यांच्या दोन्ही मुली उपस्थित आहेत. पतीला वेदनेत पाहिल्यानंतर प्रकाश कौर यांना त्यांचे अश्रू आवरणे कठीण झाले. त्या रडत रडत अत्यंत भावनिक होऊन म्हणत होत्या, "एक बार उठ जाओ मेरी तरफ देखो, हाय रब्बा जल्दी ठीक हो जाओ!" त्या ढसाढसा रडत असल्याचे हृदयद्रावक दृश्य व्हिडीओमध्ये आहे. वडिलांची ही अवस्था पाहून सनी आणि बॉबी देओल हे दोन्ही मुलगे देखील यावेळी गहिवरले होते. या कठीण काळातून सावरल्यानंतर धर्मेंद्र यांच्या प्रकृतीत सुधारणा झाल्याने त्यांना रुग्णालयातून डिस्चार्ज देण्यात आला. त्यांच्या प्रकृतीत हळू हळू सुधारणा होत असल्याचे कुटुंबीयांकडून सांगण्यात आले आहे. अभिनेता सनी देओलच्या टीमने देखील अधिकृतपणे पोस्ट शेअर करत त्यांची तब्येत ठीक असल्याची माहिती चाहत्यांना दिली आहे. धर्मेंद्र लवकरात लवकर पूर्णपणे बरे व्हावेत, यासाठी सिनेजगतातून आणि चाहत्यांकडून प्रार्थना केली जात आहे.
