अमेरिका: स्पेसएक्स आणि टेस्ला सारख्या मोठ्या कंपन्यांचे मालक व जगभरात श्रीमंतीचा रुबाब दाखवणारे एलन मस्क लवकरच इतिहास रचणार आहेत. कारण टेस्लाच्या जवळपास ७५ % शेअरहोल्डर्सनी मस्कसाठी मोठ्या पगार पॅकेजला हिरवा कंदील दाखवला आहे. या पॅकेजमुळे टेस्ला सीईओ एलन मस्क लवकरच जगातील पहिले-वहिले ट्रिलियनेअर बनणार आहेत. तसेच टेस्ला इंकच्या भागधारकांनी विक्रमी पगार पॅकेज मंजूर केले आहे.
टेस्ला बोर्डाने कामगिरीवर आधारित प्रोत्साहन रचना तयार केली आहे ज्यामुळे कंपनीने काही आर्थिक उद्दिष्टे साध्य केल्यास मस्कला अब्जावधी डॉलर्सचे शेअर्स मिळतील. या बोनस पॅकेजमुळे मस्कची वैयक्तिक संपत्ती १ ट्रिलियन डॉलर्सपेक्षा जास्त होऊ शकते. कोणत्याही कंपनीच्या इतिहासात सीईओला मिळालेले हे सर्वात महागडे पॅकेज असून मस्कचे पेमेंट सिंगापूर, यूएई, स्वित्झर्लंड, स्वीडन, नॉर्वे, हाँगकाँग, कतार आणि न्यूझीलंड सारख्या समृद्ध देशांच्या जीडीपीपेक्षा जास्त असेल.
एमएमआरडीएकडून ३१ डिसेंबरपर्यंत ऑफर मुंबई : मुंबई महानगर प्रदेश विकास प्राधिकरणाने (एमएमआरडीए) त्यांच्या एकात्मिक तिकीट प्रणालीचा भाग म्हणून मुंबई ...
या पॅकेजचा प्राथमिक उद्देश मस्क यांना टेस्लामध्ये दीर्घकाळ ॲक्टिव्ह ठेवायचा असून अलिकडेच मस्क यांनी टेस्ला गुंतवणूकदारांना वेतन पॅकेज प्रस्तावाला मान्यता न दिल्यास कंपनी सोडण्याची धमकी दिली होती. कंपनी एआय, रोबोटिक्स आणि स्वायत्त तंत्रज्ञानासारख्या क्षेत्रात मोठे प्रकल्प राबवत असल्याने मस्क टेस्लासाठी महत्त्वाचे असल्याचेही बोर्ड सदस्यांनी सांगितले.
मस्कचे वेतन १२ भागात विभागले गेले आहे. पुढील दहा वर्षांत टेस्ला विशिष्ट आर्थिक आणि ऑपरेशनल लक्ष्य पूर्ण करेल तेव्हा प्रत्येक भाग अनलॉक केला जाईल. सर्व लक्ष्ये पूर्ण झाल्यावर मस्कला ४२३ दशलक्षपेक्षा जास्त शेअर्स मिळतील. ज्यामुळे कंपनीतील हिस्सा १३ % वरून २५ % पर्यंत वाढेल. यामुळ मस्कचे टेस्लावरील नियंत्रण वाढणार आहे.
