पाटणा : बिहारमध्ये निवडणुकीचं तापमान चढलं असलं तरी सगळ्यांची नजर आता राजस्थानच्या प्रसिद्ध फिलोदी सट्टा बाजारावर आहे. इथं सट्ट्याचे भाव अक्षरशः चढ-उतार घेत आहेत, पण सध्या एनडीएच्या बाजूने हवा दिसतेय.
सट्टा बाजारात एनडीए आघाडीवर
फिलोदी सट्टा बाजारात एनडीएच्या सरकारची शक्यता सर्वाधिक दाखवली जात आहे. सट्टेबाज सांगतात, जर एनडीएवर ₹1000 ची बाजी लावली, तर त्याचा परतावा ₹2000 पर्यंत मिळू शकतो.
जागांचा अंदाज:
एनडीए: 128 ते 132 जागा ( तर 135-138 पर्यंतही अंदाज)
महागठबंधन: 97 ते 100 जागा.
सध्याच्या चित्रात एनडीएला स्पष्ट आघाडी मिळाल्याचं दिसतं, तर महागठबंधनचा ग्राफ हळूहळू खाली जातोय.
मुख्यमंत्री या पदासाठी नितीश कुमारच आघाडीवर:
सट्टा बाजारात नीतीश कुमार यांच्या नावाचे भाव 40-45 पैशांवर स्थिर आहेत. मुख्यमंत्री या पदासाठी नितीश कुमार आघाडीवर आहेत.
महागठबंधनची स्थिती चिंताजनक
महागठबंधन १०० पेक्षा कमी जागांपर्यंतच मर्यादित राहील, असा अंदाज सट्टेबाजांनी व्यक्त केला आहे.
मतदानाच्या तारखा आणि पुढील अंदाज:
बिहारमध्ये दोन टप्प्यांत मतदान 6 आणि 11 नोव्हेंबरला होणार आहे. सट्टेबाजांच्या मते, प्रचाराची गती वाढेल तसतसे बाजारातील आकडे, मतदारसंघांचे भावही बदलू शकतात.
एकूणच, फिलोदी सट्टा बाजारात सध्या एनडीएला हिरवा सिग्नल आणि महागठबंधनला लाल दिवा दिसून येतोय!
