यूजीसीकडून देशातील २२ बनावट विद्यापीठांची यादी जाहीर
नवी दिल्ली : विद्यापीठ अनुदान आयोग (UGC) देशातील २२ बनावट विद्यापीठांची यादी जाहीर केली असून, या संस्थांना कोणत्याही प्रकारे पदवी देण्याचा अधिकार नाही. या यादीत दिल्ली, उत्तर प्रदेश, आंध्र प्रदेश, कर्नाटक, महाराष्ट्र, केरळ, पश्चिम बंगाल आणि पुदुचेरी येथील संस्थांचा समावेश आहे. यूजीसीने संबंधित राज्य सरकारांना या संस्थांवर कारवाई करण्याचे निर्देश दिले आहेत.
विद्यापीठ अनुदान आयोगने देशभरातील २२ बनावट विद्यापीठांची यादी जाहीर केली असून, विद्यार्थ्यांना अशा संस्थांपासून सावध राहण्याचे आवाहन केले आहे. ही यादी दरवर्षी यूजीसीच्या अधिकृत संकेतस्थळावर प्रसिद्ध केली जाते, ज्यामध्ये अशा संस्थांचा समावेश असतो ज्या यूजीसीची मान्यता न घेता स्वतःला विद्यापीठ म्हणून घोषित करतात.
बनावट विद्यापीठांची राज्यनिहाय यादी
दिल्ली (८ विद्यापीठे): Commercial University Ltd. United Nations University Vocational University ADR-Centric Juridical University Indian Institute of Science and Engineering Viswakarma Open University for Self-Employment Indira Gandhi University National University of Electro Complex Homeopathy
उत्तर प्रदेश (४ विद्यापीठे): Gandhi Hindi Vidyapeeth, Prayagraj National University of Electro Complex Homeopathy, Kanpur Netaji Subhash Chandra Bose University, Aligarh Bhartiya Shiksha Parishad, Lucknow
आंध्र प्रदेश (२ विद्यापीठे): Christ New Testament Deemed University Bible Open University of India
कर्नाटक (२ विद्यापीठे): Badaganvi Sarkar World Open University Education Society Shri Bodhi Academy of Higher Education
केरळ (१ विद्यापीठ): St. John’s University
महाराष्ट्र (१ विद्यापीठ): Raja Arabic University, Nagpur
पश्चिम बंगाल (२ विद्यापीठे): Indian Institute of Alternative Medicine Institute of Alternative Medicine and Research
पुदुचेरी (१ विद्यापीठ): Sree Bodhi Academy of Higher Education
यूजीसीचे आवाहन:
यूजीसीने स्पष्ट केले आहे की या संस्थांना कोणत्याही प्रकारे पदवी, डिप्लोमा किंवा प्रमाणपत्र देण्याचा अधिकार नाही. विद्यार्थ्यांनी प्रवेश घेण्यापूर्वी संबंधित संस्थेची मान्यता यूजीसीच्या संकेतस्थळावरून तपासावी. बनावट विद्यापीठातून मिळवलेली पदवी शैक्षणिक आणि व्यावसायिक क्षेत्रात अमान्य ठरते.
