Wednesday, October 22, 2025
Happy Diwali

ठाणे स्टेशनजवळ पोलीस कर्मचाऱ्याला मारहाण; 'टकल्या' ऊर्फ नितेश शिंदे नावाच्या सराईत गुन्हेगारावर गुन्हा दाखल, शोध मोहीम सुरू

ठाणे स्टेशनजवळ पोलीस कर्मचाऱ्याला मारहाण; 'टकल्या' ऊर्फ नितेश शिंदे नावाच्या सराईत गुन्हेगारावर गुन्हा दाखल, शोध मोहीम सुरू

ठाणे: कर्तव्य बजावत असलेल्या एका पोलीस कर्मचाऱ्याला आज पहाटेच्या सुमारास ठाणे स्टेशनजवळील परिसरात एका सराईत गुन्हेगाराने मारहाण केल्याची गंभीर घटना उघडकीस आली आहे. मारहाण करणारा आरोपी जामिनावर सुटलेला असून, पोलीस त्याचा कसून शोध घेत आहेत.

नेमकी घटना काय?

आज पहाटे सुमारे २:३० वाजण्याच्या सुमारास ही घटना ठाणे स्टेशनजवळील संगम बार परिसरात घडली. ड्युटीवर असलेले एक पोलीस कर्मचारी त्यांचे कर्तव्य बजावत असताना, नितेश शिंदे ऊर्फ 'टकल्या' नावाच्या व्यक्तीने त्यांच्यावर हल्ला चढवला आणि त्यांना मारहाण केली.

गुन्हा दाखल, आरोपीचा कसून शोध

या घटनेनंतर तातडीने ठाणे नगर पोलीस स्टेशनमध्ये आरोपी नितेश शिंदे (ऊर्फ टकल्या) याच्या विरोधात गुन्हा दाखल करण्यात आला आहे. पोलीस या घटनेची गंभीर दखल घेऊन, आरोपीला तात्काळ अटक करण्यासाठी शोध मोहीम राबवत आहेत.

सराईत गुन्हेगार नुकताच जामिनावर सुटला होता

पोलीस सूत्रांनी दिलेल्या माहितीनुसार, आरोपी नितेश शिंदे ऊर्फ टकल्या हा एक सराईत गुन्हेगार असून, त्याला नुकताच ठाणे मध्यवर्ती कारागृहातून जामिनावर सोडण्यात आले होते. जामिनावर बाहेर येताच त्याने पुन्हा कायदा हातात घेऊन थेट पोलीस कर्मचाऱ्याला मारहाण केल्याने खळबळ उडाली आहे.

Comments
Add Comment
प्रहार ई-पेपर
हे पण पहा
संबंधित बातम्या आणखी वाचा >