अमरावती: सावधान! तुमच्या हातात येणारी प्रत्येक ५०० रुपयांची नोट खरी आहे की, बनावट? कारण, अमरावती जिल्ह्यात बनावट चलनाच्या एका मोठ्या आणि रहस्यमय रॅकेटचा पर्दाफाश झाला आहे. नांदगावपेठ पोलिसांनी केलेल्या एका गुप्त कारवाईत, ४३,००० रुपयांच्या ५०० रुपयांच्या बनावट नोटांचा मोठा साठा जप्त केला आहे.
एकाच वेळी इतक्या मोठ्या प्रमाणात बनावट नोटा सापडल्याने, यामागे राज्याच्या अर्थव्यवस्थेला खिळखिळे करणारे एक मोठे आणि संघटित रॅकेट असण्याची भीती व्यक्त होत आहे. नांदगावपेठ पोलिसांच्या सतर्कतेमुळे आणि धाडसामुळे हा बनावट चलन बाजारात येण्यापूर्वीच रोखण्यात यश आले.
सध्या या प्रकरणाचा तपास अत्यंत बारकाईने सुरू आहे. या नोटा कुठे छापल्या गेल्या? त्यामागे कोण आहेत? आणि त्या बाजारात कोणत्या मार्गाने आणल्या जाणार होत्या? या तीन मोठ्या रहस्यांचा उलगडा पोलीस करत आहेत.
