मान्सूनची मस्ती: देवांची मुंबईत गडगडाटासह दिवाळी! मुंबई, ठाण्यात दिवाळीत मिम्सचा पाऊस

मुंबई: मुंबई, नवी मुंबई आणि ठाणे परिसरात अचानक आलेल्या मुसळधार अवकाळी पावसाने दिवाळीतील फटाक्यांच्या आतषबाजीच्या उत्साहावर पाणी फिरवले आहे. या बदललेल्या हवामानामुळे सोशल मीडियावर मिश्किल प्रतिक्रियांचा पूर आला आहे. मुंबईकरांनी त्यांच्या सणासुदीच्या योजनांमध्ये आलेल्या व्यत्ययाबद्दल अनेक विनोदी पोस्ट्स शेअर केल्या. एका युजरने गंमतीने म्हटले की, "देव यावर्षीच्या दिवाळीत अवकाळी पावसाच्या माध्यमातून चायनीज दिव्यांची गुणवत्ता आणि टिकाऊपणा (Durability) तपासत आहे." दुसऱ्या एका नेटिझनने या हवामानाचे वर्णन करताना म्हटले की, "इंद्रदेव पूर्णपणे दिवाळीच्या मूडमध्ये आहेत."

 

View this post on Instagram

 

A post shared by Mayur Jaigade (@oyeelambuuu)

मुंबई सेंट्रल स्टेशनवरून शेअर केलेल्या एका व्हिडिओत जोरदार पाऊस दिसत होता, त्यावर एका रहिवाशाने टिप्पणी केली की, आता आणखी फटाक्यांची गरज नाही. इतर काही युजर्सनी म्हटले की, हा पाऊस फटाक्यांमुळे होणारे हवेचे आणि धुळीचे प्रदूषण कमी करण्यास मदत करेल.

Most Intense Thunderstorm of the season strikes🚨 Mumbai get ready for the show🚨 #MumbaiRains pic.twitter.com/hqbCCJIRpX

— Mumbai Nowcast (@s_r_khandelwal) October 21, 2025

एकाने तर थट्टा करत लिहिले की, आता #Mumbairains हा हॅशटॅग वर्षातील ३६५ दिवस सक्रिय असतो, तर दुसऱ्याने, "आज देवच मुंबईत गडगडाटासह दिवाळी साजरी करत असल्यासारखे वाटते," अशी टिप्पणी केली.