मोहित सोमण:आयडीबीआय या आघाडीच्या खाजगी बँकेने इयर ऑन इयर बेसिसवर निव्वळ नफ्यात ९८% वाढ नोंदवली आहे. प्रामुख्याने बँकेने एनएसडीएल (NSDL) मधील आपला ११% स्टेक (भागभांडवल) विकल्याने बँकेला मोठा आर्थिक लाभ झाला. बँ केने त्यांच्या आयपीओमध्ये नॅशनल सिक्युरिटीज डिपॉझिटरी लिमिटेडमध्ये ११.१% हिस्सा असलेले २.२२ कोटींहून अधिक इक्विटी शेअर्स ७९९.८७ रुपये प्रति शेअर या इश्यू किमतीत ऑफर केले होते आणि १,६९८.९६ कोटी रुपयांचा निव्वळ नफा मिळवला हो ता, असे बीएसई फाइलिंगमध्ये म्हटले आहे. एक्सचेंज फायलिंगमध्ये दिलेल्या माहितीनुसार, बँकेला या तिमाहीत ३६२७ कोटींचा निव्वळ नफा प्राप्त झाला आहे. गेल्या वर्षीच्या तिमाहीतील तुलनेत ९८% वाढ निव्वळ नफ्यात झाली आहे.
एलआयसीच्या अधिपत्याखाली असलेल्या बँकेने या तिमाहीत १८३६ कोटींचा नफा मिळवला आहे. गेल्या वर्षीच्या तिमाहीतील ८७५५ कोटींच्या तुलनेत बँकेच्या एकूण उत्पन्न (Total Income) ९५९४ कोटींवर पोहोचले आहे. तर बँकेच्या ऑपरेटिंग नफ्यात (Ope rating Profit) मध्ये इयर ऑन इयर बेसिसवर (YoY) गेल्या वर्षीच्या ३००६ कोटींच्या तुलनेत या तिमाहीत ३५२३ कोटीवर वाढ झाली आहे. बँकेच्या मालमत्ता गुणवत्तेतही इयर ऑन इयर बेसिसवर सुधारणा झाली आहे. माहितीनुसार, जीएपीए (Gross Perform ing Assets NPA) गेल्या वर्षीच्या ३.६८% तुलनेत २.६५% वर या तिमाहीत पोहोचले. बँकेच्या निव्वळ एनपीएत (Net Non Performing Assets NPA) कुठलाही बदल झालेला नसल्याचे बँकेने आकडेवारीतून स्पष्ट केले. गेल्या वर्षीच्या १३१३ कोटींच्या तुलनेत या तिमाहीत बँकेच्या इतर उत्पन्नात (Other Income) मध्ये ८९.५७% वाढ झाली ज्यामध्ये हे इतर उत्पन्न २४८९ कोटींवर पोहोचले आहे. बँकेच्या माहितीनुसार, व्याज उत्पन्न (Interest Income) हे मात्र इयर ऑन इयर बेसिसवर ४.५४% घसरले असून ७४४२ कोटीवरून ७१०४ कोटींवर पोहोचले.
बँकेच्या सीएआर (Capital Adequacy Ratio CAR) मध्ये सुधारणा झाली असून गेल्या वर्षीच्या तिमाहीतील २१.९८% तुलनेत यंदा २५.३९% वर वाढले.
