मोहित सोमण:आज इटर्नल (Eternal: Zomato) कंपनीचा शेअर थेट ४% हून अधिक पातळीवर कोसळला आहे. दुपारी ३.१९ वाजेपर्यंत सत्राच्या अखेरीस शेअर १.४१% कोसळत ३४२.९५ रूपये प्रति शेअरवर व्यवहार करत आहे. आज सकाळी सुरुवातीच्या सत्रात कंपनीचा शेअर ४% कोसळत ३३३.७५ रूपयांवर पोहोचला होता. काल कंपनीने आपला तिमाही निकाल जाहीर केला होता. खरंतर कंपनीच्या महसूलात इयर ऑन बेसिसवर १८३% महसूलात वाढ झाली होती तर कंपनीच्या निव्वळ नफ्यात मात्र गेल्या व र्षीच्या १७३ कोटींच्या तुलनेत यंदा तिमाहीत ६५ कोटींचा नफा मिळाला होता. कंपनीच्या कामकाजातून मिळणाऱ्या महसूलात (Revenue from Operations) मध्ये मात्र १८३% वाढ झाल्याने महसूल १३५९० कोटींवर पोहोचला आहे. कंपनीच्या खर्चातही १३८१३ कोटींपर्यंत वाढ इयर ऑन इयर बेसिसवर झाली.
कंपनीच्या क्विक कॉमर्स अँप ब्लिंकिंटने इयर ऑन इयर बेसिसवर १५६ कोटींचा तोटा नोंदवला आहे.इटर्नल कंपनीच्या तिमाही निकालावर भाष्य करताना,'झोमॅटोने आर्थिक वर्ष २६ च्या दुसऱ्या तिमाहीत अपेक्षित असलेल्या वाढीपेक्षा कमी गतीने वाढ नोंदवली आ हे, असे इटर्नलचे संस्थापक दीपिंदर गोयल म्हणाले आहेत. त्यांनी पुढे सांगितले की, कंपनीला नजीकच्या काळात विकास दरात मंद गतीने वाढ अपेक्षित आहे.'आम्ही व्यवसायातील इनपुटवर काम करत असताना (ग्राहकांसाठी रेस्टॉरंटमधील अन्न अधिक सुलभ आणि परवडणारे बनवणे), आम्ही भारतात सामान्यतः सौम्य विवेकाधीन वापर, जलद व्यापार वाढीचा परिणाम आणि वाढत्या अस्थिर हवामानाचा (अत्यंत उष्णता, दीर्घकाळ पाऊस) परिणाम यासह अनेक प्रतिकूल परिस्थितींशी सतत झुंजत आहोत, जे नजीक च्या काळात वाढीवर परिणाम करत आहेत' असे त्यांनी पुढे म्हटले होते.
मंद गतीने पुनर्प्राप्ती वाढीच्या अपेक्षा आणि सौम्य विवेकाधीन वापराचे संकेत देणारे व्यवस्थापन यामुळे गुंतवणूकदारांच्या भावना मंदावल्या असतील असे तज्ञांचे मत आहे.
ब्लिकिंट निकालावर भाष्य करताना ' पूर्ण तोटा कमी झाला असला तरी तोटा/मार्जिन विस्तारातील घट आमच्या अपेक्षेपेक्षा कमी होती' असे ब्लिंकिटचे संस्थापक अल्बिंदर धिंडसा म्हणाले. त्यांनी सांगितले की, कंपनीने या तिमाहीत उच्च वाढ आणि (NOV) बाजा रातील वाटा वाढवण्यासाठी केलेल्या गुंतवणुकीमुळे हे मुख्यत्वे घडले आहे. ग्राहकांना कार्यक्षमता वाढवून नवीन ग्राहक मिळविण्यासाठी उच्च मार्केटिंग खर्चात गुंतवणूक करून, स्टोअर नेटवर्क विस्ताराला गती देऊन आणि वेअरहाऊसिंग आणि पुरवठा साखळी वाढवून क्षमता निर्माण केल्याने त्याचा परिणाम झाला.'
'यामुळे नफा मिळवण्याचा आमचा दीर्घकालीन दृष्टिकोन बदलत नाही आणि आम्ही व्यवसायाचा दीर्घकालीन दृष्टिकोन ठेवून बांधकाम करत राहतो. जर आपल्याला उच्च दर्जाची शाश्वत वाढ आणि नफा मिळवण्याचा अल्पकालीन त्याग यापैकी एक निवडायचा असेल, तर आमच्या मजबूत बॅलन्स शीटमुळे आम्ही पहिला पर्याय निवडण्याच्या स्थितीत आहोत' असे त्यांनी पुढे सांगितले.भारतात लागू झालेल्या नवीनतम जीएसटी सुधारणांमुळे अन्न वितरण शुल्क वाढेल.'ग्राहकांनी अन्न वितरण ऑर्डरवर भरलेल्या डिलिव्हरी शुल्कावर आता १८% जीएसटी लागू आहे. याचा परिणाम आमच्या सुमारे २५% ऑर्डरवर होतो जिथे डिलिव्हरी मोफत नसते (स्पष्ट करण्यासाठी, प्लॅटफॉर्म फी आधीच १८% जीएसटीच्या अधीन आहे आणि या बदलाचा त्यावर परिणाम होत नाही). आम्ही हा कर भार ग्राहकांवर टाकल्यामुळे व्यवसायाच्या वाढीवर याचा थोडासा नकारात्मक परिणाम झाला आहे' असे कंपनीचे सीएफओ अक्षांत गोयल म्हणाले. गोयल पुढे म्हणाले की, तिमाहीत एकूण समायोजित ईबीटा तोटा फक्त ५ कोटी रुपये होता तर Q1FY26 मध्ये १८ कोटी रुपयांचा तोटा झाला होता.
तथापि, त्यांनी नमूद केले की सुधारणांचा ब्लिंकिटच्या डिलिव्हरी शुल्कावर कोणताही परिणाम होत नाही. त्यामुळे ब्लिंकिटच्या सामान्य बास्केटवरील सरासरी जीएसटी अंदाजे ३% कमी होईल, ज्यामुळे मागणी वाढण्यास मदत होईल, असे त्यांनी सांगितले.
ब्लिंकिट त्याच्या प्लॅटफॉर्मवरील विक्रेत्यांसोबत काम करण्याच्या पद्धतीत सुधारणा करत आहे. याबाबत अपडेट देताना, सीएफओ अक्षांत गोयल म्हणाले आहेत की,'आम्ही बहुतेक व्यवसाय मालकीच्या इन्व्हेंटरी मॉडेलमध्ये बदलला आहे, काही श्रेणी वगळता जिथे आम्ही विविध कारणांमुळे सध्या इन्व्हेंटरी ठेवण्याची योजना आखत नाही.परिणामी, आर्थिक वर्ष २६ च्या दुसऱ्या तिमाहीत नोव्हेंबर महिन्यातील सुमारे ८०% साठा आमच्या स्वतःच्या इन्व्हेंटरीमध्ये होता जो पुढील तिमाहीत सुमारे ९०% पर्यंत स्थिर स्थितीत जाण्याची अपेक्षा आहे. व्यवसायात कोणताही व्यत्यय न येता हे संक्रमण सुरळीतपणे पार पडले. गेल्या दहा तिमाहींमधील आमचा सर्वोच्च विकास दर गाठणाऱ्या आणि देशभरात दीर्घकाळापासून सुरू असलेल्या संततधार पावसाचा सामना करणाऱ्या तिमाहीत इतक्या कमी वेळेत हे काम पूर्ण केल्याबद्दल टीमचे कौतुक.' असे पुढे म्हणाले.
कंपनीच्या फाइलिंगमध्ये म्हटले आहे की,'क्विक कॉमर्समध्ये इन्व्हेंटरी मालकीकडे वळल्यामुळे ही घट झाली, ज्यामुळे हायपरप्युअरच्या नॉन-रेस्टॉरंट व्यवसायात अपेक्षेनुसार घट झाली. गोयल पुढे म्हणाले की, तिमाहीत एकूण समायोजित ईबीटा (Adjusted EB ITDA) तोटा फक्त ५ कोटी रुपये होता तर Q1FY26 मध्ये १८ कोटी रुपयांचा तोटा झाला होता.'
