मुंबई : कोकणच्या खेळाला, संस्कृतीला चित्रपटांच्या मोठ्या पडदयावर दर्शवणारा सिनेमा म्हणजे 'दशावतार' , १२ सप्टेंबर २०२५ ला हा सिनेमा प्रदर्शित झाला, आणि त्या दिवसापासून प्रेक्षकांनी दिलेल प्रेम हे अजूनही कमी होत नाही आहे. आजही सकाळी ७. ३० ते रात्री ११:५५ पर्यंत शोज हाउसफ़ुल्ल जात आहेत, ही मराठी चित्रपटासाठी आनंदाची गोष्ट आहे.
मागील महिन्याभरापासून बॉक्स ऑफिसवर दशावतार या मराठी चित्रपटाचा धुमाकूळ पाहायला मिळतोय. कोकणातील अस्सल मातीत तयार झालेला दशावतार हा चित्रपट हिंदी सिनेमानाही कांटे कि टक्कर देतोय.
दशावतार या सिनेमाने सहाव्या आठवड्यात पदार्पण केलं आहे. प्रेक्षकांच्या या भरगोस प्रतिसादाबद्दल प्रेक्षकांच्या प्रेमाबद्दल या चित्रपटाचे दिग्दर्शक सुबोध खानोलकर यांनी प्रेक्षकांचे आभार मानले आहेत. आणि सकाळचे ७.३० ते रात्री ११.५५ चे शोज हाऊसफुल्ल होत असल्याचेही त्यांनी सांगितले.
या बद्दल एक खास पोस्ट शेअर करत त्यांनी लिहिलंय "दशावताराचा आज सहावा आठवडा सुरु झाला आहे. आज ही महाराष्ट्राच्या अनेक चित्रपटगृहांमध्ये अनेक शोज हाऊसफुल्ल आहेत. जगभरात अजूनही शोज लागत आहेत, लोक त्याला तितकाच प्रतिसादही देत आहेत, खऱ्या अर्थाने लोकाश्रय लाभलेला हा चित्रपट ठरलाय, त्यातल्या गुणदोषांसकट प्रेक्षकांनी या चित्रपटाला डोक्यावर धरलयं, आणि हृदयात स्थानही दिलयं. पुढे ते लिहितात की हे कोणा एकाच यश नसून, आमच्या २५० जणांच्या टीमने प्रचंड मेहनत घेऊन हे कमावलंय.आणि झी स्टुडियोच्या टीमने हा चित्रपट सर्वदूर पोहोचवला, महाराष्ट्रातल्या चित्रपटगृह मालकांनी, मॅनेजर्सनी, तिकीट तसपणीकांनी आणि अगदी तिथल्या सफाई कर्मचाऱ्यांनी सुद्धा हा चित्रपट लोकांना बघता यावा यासाठी दिवसरात्र काम केलंय. टीम मधल्या पहिल्या माणसापासून ते अगदी शेवटच्या माणसापर्यंत सर्वांनीच प्रामाणिकपणे केलेल्या मेहनतीचं हे फळ, आणि हे सगळं जुळून येणं दुर्लभ असत. जे 'दशावतार' ला साध्य झालयं. आमच्याच नाही तर प्रामाणिक पणे घडणाऱ्या प्रत्येक सिनेमाला असाच यश लाभो ही इच्छा !"
