पश्चिम बंगालमधील दुर्गापूर येथे एका वैद्यकीय विद्यार्थिनीवर जेवण्यासाठी बाहेर जात असताना बलात्कार करण्यात आला. विद्यार्थिनीचा आरोप आहे की ती जेवण्यासाठी बाहेर गेली असताना वाटेत दोन-तीन तरुणांनी तिला थांबवले, जबरदस्तीने पकडून तिच्यावर बलात्कार केला. या प्रकरणात पोलिसांनी तीन संशयितांना अटक केली. या आरोपींची ओळख अद्याप उघड झालेली नाही.
ओडिशातील एमबीबीएसच्या दुसऱ्या वर्षाची विद्यार्थिनी असलेली ही विद्यार्थिनी दुर्गापूरमधील एका खासगी वैद्यकीय महाविद्यालयात जात होती. ती तिच्या मैत्रिणीसोबत जेवण्यासाठी बाहेर गेली होती. तेव्हा तिला काही पुरुषांच्या गटाने जबरदस्तीने पकडून एका निर्जन भागात नेले आणि एका तरुणाने तिच्यावर बलात्कार केला. या घटनेनंतर, पीडितेला उपचारासाठी रुग्णालयात दाखल करण्यात आले. उपदंडाधिकारी आणि एसडीओ दुर्गापूर रंजना रॉय यांनी पीडितेची भेट घेतली.
