यशस्वी जैस्वाल पाठोपाठ कर्णधार शुभमन गिलचे शानदार कसोटी शतक
नवी दिल्ली : भारत आणि वेस्ट इंडिज (India vs West Indies 2nd Test Day 2) यांच्यात सुरू असलेल्या दुसऱ्या कसोटी सामन्याच्या (2nd Test) दुसऱ्या दिवशी भारतीय फलंदाजांनी कॅरिबियन गोलंदाजांवर अक्षरशः वर्चस्व गाजवले. युवा फलंदाज आणि कर्णधार शुभमन गिल (Shubman Gill) याने शानदार शतक झळकावत संघाला मोठ्या धावसंख्येकडे नेले. सलामीवीर यशस्वी जैस्वालने (Yashasvi Jaiswal) १७५ धावांची दमदार खेळी केल्यानंतर, कर्णधार शुभमन गिलनेही आपली फलंदाजीची धार कायम ठेवली. गिलने वेस्ट इंडिजच्या गोलंदाजांना समर्थपणे तोंड देत आपल्या कसोटी कारकिर्दीतील दहावे शतक पूर्ण केले आणि सर्वांचे लक्ष वेधून घेतले. त्याने १९६ चेंडूंमध्ये १२९ धावा करत संघाला मोठ्या धावसंख्येपर्यंत नेण्यात महत्त्वाचा वाटा उचलला आणि तो नाबाद राहिला. भारतीय फलंदाजांनी केलेल्या दमदार कामगिरीमुळे संघाने मोठी धावसंख्या उभारली. भारताने आपला पहिला डाव ५ बाद ५१८ धावा करून घोषित (Declare) केला. यशस्वी आणि गिलच्या या शानदार शतकांमुळे भारताची दुसऱ्या कसोटी सामन्यावर मजबूत पकड निर्माण झाली आहे.
कर्णधार शुभमन गिलचे एकाच वर्षात ५ कसोटी शतके
वेस्ट इंडिजविरुद्धच्या दुसऱ्या कसोटीत शानदार शतकी खेळी करत इतिहास रचला आहे. त्याच्या या खेळीमुळे भारताचा डाव ५०० पार गेला, पण त्याने वैयक्तिक स्तरावर एक मोठा विक्रम आपल्या नावावर केला आहे. गिलने १७७ चेंडूंमध्ये आपले दहावे कसोटी शतक पूर्ण केले. त्याच्या या धडाकेबाज खेळीत १३ चौकार आणि १ षटकार समाविष्ट होता. या शतकासह गिलने एका मोठ्या विक्रमाची नोंद केली आहे: एका कॅलेंडर वर्षातच ५ कसोटी शतके झळकावण्याचा पराक्रम त्याने केला आहे. भारतीय संघासाठी हा पराक्रम यापूर्वी केवळ विराट कोहलीने २०१३ आणि २०१७ या वर्षांत केला होता. गिलने आता विराटच्या या विक्रमाची बरोबरी साधली आहे. विशेष म्हणजे, वेस्ट इंडिजविरुद्ध (West Indies) गिलचे हे पहिलेच कसोटी शतक आहे. शुभमन गिलने केवळ शतक झळकावले नाही, तर एका वर्षात सर्वाधिक शतके झळकावणाऱ्या भारतीय फलंदाजांच्या यादीत आपले स्थान निश्चित केले आहे.
𝙂𝙡𝙤𝙧𝙞𝙤𝙪𝙨 𝙂𝙞𝙡𝙡 ✨ A 💯 to savour from the #TeamIndia skipper 🫡 His first as Captain on home soil 🇮🇳 Updates ▶ https://t.co/GYLslRzj4G#INDvWI | @IDFCFIRSTBank | @ShubmanGill pic.twitter.com/ocO5Hk5hrr
— BCCI (@BCCI) October 11, 2025
रोहित शर्माचा विक्रम मोडला, गिलचं गावसकर-कुकच्या पंक्तीत स्थान
शुभमन गिल याने केवळ वैयक्तिक विक्रमच केले नाहीत, तर कर्णधार म्हणूनही एक अनोखा आणि जलदगती पराक्रम आपल्या नावावर केला आहे. गिलने आपल्या कारकिर्दीतील १० वे कसोटी शतक झळकावत, टीम इंडियाचा अनुभवी खेळाडू रोहित शर्माचा (Rohit Sharma) एक महत्त्वाचा विक्रम मागे टाकला. वर्ल्ड टेस्ट चॅम्पियनशिपमध्ये रोहित शर्माच्या नावावर ९ कसोटी शतके होती; पण गिलने आपले १० वे शतक पूर्ण करत हा विक्रम मोडला. या स्पर्धेत गिलने ९ शतके करणाऱ्या इंग्लंडच्या हॅरी ब्रूकलाही (Harry Brook) मागे टाकले आहे. कर्णधार म्हणून केलेल्या कामगिरीमुळे गिलने महान खेळाडूंच्या यादीत स्थान मिळवले आहे. कर्णधार म्हणून खेळलेल्या १२ डावांमध्ये गिलचे हे ५ वे शतक आहे. कर्णधार म्हणून सर्वात जलद ५ कसोटी शतके पूर्ण करणाऱ्या खेळाडूंमध्ये गिलने स्थान मिळवले आहे. या यादीत फक्त एलेस्टेअर कुक (९ डाव) आणि महान फलंदाज सुनील गावसकर (१० डाव) यांनीच गिलपेक्षा जलद गतीने ५ शतके पूर्ण केली आहेत. शुभमन गिलने कमी डावांमध्ये ५ कसोटी शतके झळकावणाऱ्या कर्णधारांच्या एलिट क्लबमध्ये प्रवेश केला आहे.
बेंगळुरू : महिलांच्या आरोग्याचा व कामाच्या ठिकाणी त्यांच्या सुसंवादाचा विचार करत कर्नाटक सरकारने एक ऐतिहासिक निर्णय घेतला आहे. राज्यातील सर्व महिला ...
टीम इंडियाचा डाव ५१८ धावांवर घोषित, जैस्वाल पाठोपाठ गिलचे दमदार शतक
दुसऱ्या कसोटी सामन्याच्या दुसऱ्या दिवशी भारतीय संघाने कॅरिबियन गोलंदाजांवर पूर्णपणे वर्चस्व गाजवले आणि आपल्या पहिल्या डावात ५ बाद ५१८ धावा करून डाव घोषित केला. भारतीय फलंदाजांच्या शानदार कामगिरीमुळे वेस्ट इंडिजवर आता मोठा दबाव आला आहे. युवा सलामीवीर यशस्वी जैस्वालने सर्वाधिक १७५ धावांची धडाकेबाज खेळी करत मोठ्या धावसंख्येची पायाभरणी केली. जैस्वालनंतर कर्णधार शुभमन गिलनेही (Shubman Gill) शानदार फलंदाजीचे प्रदर्शन करत शतक झळकावले. गिल १२९ धावा करून नाबाद राहिला. भारताने ध्रुव जुरेलच्या रूपात पाचवी विकेट गमावताच, कर्णधार शुभमन गिलने ताबडतोब पहिला डाव घोषित करण्याचा निर्णय घेतला. भारतीय फलंदाजांनी उभारलेल्या या विशाल धावसंख्येमुळे, आता भारतीय गोलंदाजांना वेस्ट इंडिजवर दबाव टाकून सामना जिंकण्याच्या दिशेने वाटचाल करण्याची संधी मिळाली आहे.
यशस्वीचे द्विशतक हुकले, भारताने पहिल्या डावात ५१८ धावांचा डोंगर रचला
भारतीय संघाने २ बाद ३१८ धावांवरून आपल्या खेळाला सुरुवात केली. दिवसाच्या सुरुवातीलाच सलामीवीर यशस्वी जैस्वालचे (Yashasvi Jaiswal) द्विशतक थोडक्यात हुकले आणि तो तंबूत परतला. यशस्वी लवकर बाद झाल्यानंतर संघाला मोठी धावसंख्या उभारण्यासाठी कर्णधार शुभमन गिलने (Shubman Gill) जबाबदारी उचलली. गिलने युवा फलंदाज नितीश रेड्डीसोबत (Nitish Reddy) चौथ्या विकेटसाठी ९१ धावांची महत्त्वपूर्ण भागीदारी केली. मात्र, नितीश रेड्डी आपले अर्धशतक पूर्ण करू शकला नाही आणि ४३ धावांवर बाद झाला. रेड्डी बाद झाल्यानंतर गिलने आपल्या खेळाचा गियर बदलला आणि वेगाने खेळण्यास सुरुवात केली. दुसऱ्या सत्रात त्याने आपल्या कसोटी कारकिर्दीतील १० वे शतक पूर्ण केले. यष्टीरक्षक फलंदाज ध्रुव जुरेल (Dhruv Jurel) देखील अर्धशतकाच्या जवळ पोहोचला होता, पण तो ४४ धावांवर बाद झाला. पहिल्या डावात वेस्ट इंडिजकडून गोलंदाजीत थोडाफार संघर्ष पाहायला मिळाला. वेस्ट इंडिजकडून जोमेल वॉरिकनने (Jomel Warrican) सर्वाधिक तीन विकेट्स घेतल्या. तर, रोस्टन चेसने (Roston Chase) एक विकेट घेण्यात यश मिळवले. भारतीय फलंदाजांच्या एकत्रित प्रयत्नांमुळे भारताने ५१८ धावांचा डोंगर रचून आपली बाजू मजबूत केली.
