मुंबई: 'देसी गर्ल' प्रियांका चोप्रा सध्या तिच्या कामाच्या निमित्ताने मुंबईत आहे आणि तिने या संधीचा फायदा घेत सणांचा उत्साह अनुभवला. महाअष्टमीच्या शुभ मुहूर्तावर प्रियांकाने मुंबईतील एका प्रसिद्ध दुर्गा पूजा पंडालला भेट दिली.
या खास प्रसंगी प्रियांकाने निळ्या रंगाचा पारंपरिक एथनिक सूट (सलवार सूट) परिधान केला होता. तिने हा सूट मॅचिंग दुपट्टा, लहान बिंदी, कानात झुमके आणि अंबाडा घालून पूर्ण केला होता. तिच्या भांगात सिंदूरही दिसला, ज्यामुळे तिचा पारंपरिक लूक अधिक खुलून दिसला.
प्रियांकाचा हा साधेपणा आणि पारंपरिक अंदाज चाहत्यांना खूप आवडला आहे. तिचा पंडालमधील व्हिडिओ सोशल मीडियावर मोठ्या प्रमाणावर व्हायरल होत आहे. एका चाहत्याने 'आईच्या समोर पीसीला (प्रियांका चोप्रा) पाहून छान वाटले' अशी प्रतिक्रिया दिली, तर दुसऱ्याने 'आमची देसी गर्ल भक्तीमय मूडमध्ये' असे म्हटले आहे.
View this post on Instagram
पूजा पंडालमध्ये तिची भेट चित्रपट निर्माता अयान मुखर्जी आणि अभिनेत्री तनिषा मुखर्जी यांच्याशी झाली. या सर्वांनी एकमेकांना भेटून गप्पा मारल्या आणि देवी दुर्गासमोर नतमस्तक झाले.
