काठमांडू: नेपाळमध्ये सुशीला कार्की सरकार स्थापन झाल्यानंतर देश हळूहळू आता स्थिरस्थावर होत आहे. सोमवारी सुशीला कार्की कॅबिनेटचा विस्चार जाला आणि या कॅबिनेटमध्ये तीन नवनियुक्त मंत्र्‍यांना सामील करण्यात आले.
या कॅबिनेट विस्तारानंतर सुशीला सरकारने मोठा निर्णय घेतला आहे. १७ सप्टेंबरला नेपाळमध्ये राष्ट्रीय दुखवटा जाहीर करण्याचा निर्णय घेण्यात आला आहे. हा शोक Gen-Z आंदोलनादरम्यान प्राण गमावलेल्या सर्व युवकांच्या वीरता आणि बलिदानाचा सन्मानार्थ समर्पित आहे.
नेपाळमध्ये Gen-Z म्हणजेच युवकांच्या आंदोलनाने चार दिवसांच्या आत सरकारला पाडले आणि आपल्या पसंतीचे सरकार निवडले. राजधानी काठमांडू, पोखरा, बुटवलसह देशभरात अनेक ठिकाणी ओली सरकारविरोधात आंदोलने झाली.
या आंदोलनादरम्यान तरुणांनी सामाजिक आणि राजकीय न्यायाची मागणी करताना आपल्या प्राणांची आहुती दिली. या आंदोलनात ७२ जणांचा मृत्यू झाला. यात ५९ आंदोलनकर्ते, १० जेलचे कैदी आणि तीन सुरक्षा रक्षकांचा समावेश होता. जखमींची संख्या दोन हजारांच्या वर आहे.
प्राण गमावणाऱ्या Gen-Zला मिळणार शहीदांचा दर्जा
सुशीला कार्कीच्या कॅबिनेट सरकारने आंदोलनादरम्यान जीव गमावणाऱ्या तरुणांना शहीद दर्जा देण्याची घोषणा केली आहे. हा निर्णय त्यांच्या बलिदानाचे सन्मान करण्याच्या दिशेने एक महत्त्वाचे पाऊल मानले जात आहे. १७ सप्टेंबरला देशभरातील झेंडा हा तरुणांच्या सन्मानार्थ अर्ध्यावर उतरलेला राहील.