मुंबई : शिवाजीनगरचं नाव सेंट मेरी स्टेशन करण्याचा प्रस्ताव काँग्रेसने सादर केला आहे. काँग्रेसच्या या प्रस्तावावर भाजपने सडकून टीका केली आहे.
बंगळुरू शहरातल्या शिवाजीनगर मेट्रो स्टेशनचे नामांतर करण्याचा प्रस्ताव कर्नाटक काँग्रेसने सादर केला आहे. शिवाजीनगरचं नाव सेंट मेरी स्टेशन करावं असा प्रस्ताव कर्नाटक काँग्रेसने सादर केला आहे. कर्नाटक काँग्रेसच्या या प्रस्तावावर भाजपने टीका केली आहे.
'शिवाजीनगर मेट्रो स्टेशनचं नाव बदलून सेंट मेरी करणं याचा मी निषेध करतो. एकप्रकारे छत्रपती शिवरायांचा अपमान करण्याचं काम हे कर्नाटकचं काँग्रेस सरकार करत आहे. याचं मला दु:ख आहे', असे महाराष्ट्राचे मुख्यंत्री देवेंद्र फडणवीस म्हणाले. 'छत्रपती शिवाजी महाराजांना अपमानित करण्याची परंपरा ही काँग्रेसमध्ये जवाहरलाल नेहरु पंतप्रधान असल्यापासून आहे. त्यापूर्वीही स्वातंत्र्यपूर्व काळात डिस्कवरी ऑफ इंडिया हे जे पुस्तक पंडित जवाहरलाल नेहरु यांनी लिहिलं होतं. त्यामध्ये छत्रपती शिवाजी महाराजांबद्दल ज्याप्रकारचं मत व्यक्त केलं होतं हे आपल्याला माहिती आहे. तीच महाराजांना अपमान करण्याची परंपरा ही सातत्याने काँग्रेसच्या सरकारमध्ये दिसत आहे. आम्ही याचा निषेध करतो. मी ईश्वराताला प्रार्थना करतो की त्याने काँग्रेसला सद्बुद्धी द्यावी', असेही मुख्यंत्री देवेंद्र फडणवीस म्हणाले. 'ज्यांच्यामुळे या देशाने स्वराज्य पाहिलं, असे छत्रपती शिवराय यांचं नाव बदलून त्या ठिकाणी अशाप्रकारे कुठेतरी धार्मिक अशाप्रकारची विरोधी व्यवस्था उभी करायची आणि तेढ निर्माण करायचं, हे ते करणार नाही, बुद्धी त्यांना मिळावी, ही अपेक्षा', असे शेवटी मुख्यंत्री देवेंद्र फडणवीस म्हणाले.
