सोनीपत: भारताचा ऑलिंपिक पदक विजेता कुस्तीपटू बजरंग पुनिया यांच्यावर दु:खाचा डोंगर कोसळला आहे. बजरंग पुनिया यांचे वडील बलवान सिंह पुनिया यांचे आज संध्याकाळी दिल्लीतील एका खासगी रुग्णालयात निधन झाले. ते गेल्या काही दिवसांपासून फुफ्फुसांच्या आजाराने त्रस्त होते. त्यांच्यावर दिल्लीच्या गंगाराम रुग्णालयात उपचार सुरू होते. मात्र, उपचारादरम्यानच त्यांची प्राणज्योत मालवली. त्यांच्या निधनामुळे कुस्ती जगतात आणि त्यांच्या गावी शोककळा पसरली आहे.
बापूजी हमारे साथ नहीं रहे. आज शाम सवा छह बजे उन्होंने आख़िरी सांस ली. उन्होंने बड़ी मेहनत से हम लोगों को यहाँ तक पहुंचाया था. वे हमारे पूरे परिवार की रीढ़ थे. समझ नहीं आ रहा कि उनके बिना आगे जीवन कैसा होगा. उनका अंतिम संस्कार हमारे गाँव खुडन में सुबह 11 बजे किया जाएगा. बजरंग… pic.twitter.com/h0omVp8SGa
— Bajrang Punia 🇮🇳 (@BajrangPunia) September 11, 2025
कुटुंब आणि गाव शोकसागरात:
बलवान सिंह पुनिया यांच्या पार्थिवावर त्यांच्या मूळ गावी, हरियाणातील खरखौदा उपविभागातील खुडन गावात शुक्रवारी सकाळी अंत्यसंस्कार करण्यात येणार आहेत. त्यांच्या निधनाची बातमी कळताच अनेक कुस्तीपटू, क्रीडा क्षेत्रातील मान्यवर आणि राजकीय नेते पुनिया कुटुंबाच्या दु:खात सहभागी होण्यासाठी त्यांच्या निवासस्थानी पोहोचले आहेत.
बजरंग पुनियावर दुहेरी आघात:
बजरंग पुनियासाठी हा काळ खूप कठीण आहे. एका बाजूला तो भारतीय कुस्ती महासंघाच्या (WFI) निवड चाचण्यांमध्ये सहभागी होण्यासाठी तयारी करत आहे, तर दुसरीकडे त्याच्या वडिलांचे निधन झाले आहे. वडिलांचे छत्र हरपल्याने बजरंग आणि त्याचे संपूर्ण कुटुंब शोकसागरात बुडाले आहे. बलवान सिंह यांनी आपल्या मुलाला कुस्तीपटू बनवण्यासाठी खूप मेहनत घेतली होती. ते स्वतः एक कुस्तीपटू होते आणि त्यांनी बजरंगच्या प्रशिक्षणामध्ये मोलाची भूमिका बजावली होती.
