प्रतिनिधी: ईथर एनर्जी (Ether Energy) लिमिटेड कंपनीचा शेअर आज ११.८८% उसळला असून तो ५२ आठवड्याच्या उच्चांकावर (All time High) पोहोचला आहे. सकाळी १२.५६ वाजता कंपनीच्या शेअरमध्ये ११.८८% वाढ झाल्याने कंपनीचा शेअर ५०३. ६५ रूपयांवर पोहोचला आहे. त्यामुळेच कंपनीचा शेअर आज अप्पर सर्किटवर पोहोचला आहे. सकाळीच कंपनीचा शेअर ९% हून अधिक पातळीवर उसळला होता.कंपनीने काल नवी ईएल इलेक्ट्रिक स्कूटरसह व्यासपीठ लाँच केली होते. यावर कंपनीचे सह सं स्थापक व मुख्य कार्यकारी अधिकारी तरुण मेहता यांनी आगामी काळात २०% बाजार काबीज करण्याचे नियोजन असल्याचे म्हटल्यावर कंपनीच्या शेअर्समध्ये आज वाढ झाली.ईएल प्लॅटफॉर्मबद्दल मेहता म्हणाले की,'नवीन प्लॅटफॉर्ममुळे ई-स्कूटरमधील भागां ची संख्या वाहन पातळीवर १५ पर्यंत कमी होते, ज्यामुळे उत्पादन असेंबल करणे १५ टक्के जलद होते आणि असेंब्ली स्तरावर उत्पादन करणे एकूण १५ टक्के स्वस्त होते. ईएलची किंमत मूलभूतपणे कमी आहे कारण त्याचे ट्रान्समिशन कमी किमतीचे आर्किटेक्च र आहे. आणि त्याची फ्रेम बोल्ट केलेल्या अँल्युमिनियम फ्रेमऐवजी युनिबॉडी स्टील चेसिस आहे. त्या दोन गोष्टी एकत्र ठेवल्याने मुळात किंमत कमी होते.'
ते म्हणाले की, कंपनी आमच्या चार्ज ड्राइव्ह कंट्रोलरसह खर्च आणखी कमी करण्यास सक्षम आहे जिथे चार्जर आणि मोटर कंट्रोलर एकाच पॅकमध्ये एकत्र येतात आणि त्यामुळे खर्च आणखी कमी होण्यास मदत होते. त्यामुळे मला वाटते की येत्या काही वर्षांत आ मचे नफा सुधारण्यात ईएल प्लॅटफॉर्म उत्पादने खूप मोठी भूमिका बजावतील.यापुढे ते म्हणाले आहेत की, कंपनीचा सध्या देशांतर्गत इलेक्ट्रिक दुचाकी वाहनांच्या क्षेत्रात १७ टक्के वाटा आहे, जो गेल्या वर्षीच्या एप्रिल-जून तिमाहीच्या तुलनेत दुप्पट झाला आहे. २० टक्के बाजारपेठेतील वाटा (साध्य करणे) ही अशी गोष्ट आहे जी नजीकच्या काळात आमच्या व्यवसायासाठी शक्य आहे' असे लाँच दरम्यान मेहता म्हणाले आहेत.
