 |
प्रतिष्ठा व प्रसिद्धी मिळेल
मेष : प्रगतीत वाढ होण्यासाठी प्रयत्नशील राहाल; परंतु जास्त कष्टाची आवश्यकता भासेल. निरनिराळ्या सोयी-सुविधा उपलब्ध होतील. नातेवाईक, आप्तेष्ट यांच्याशी संबंध सुधारतील. मित्र मंडळ यांच्या वर्तुळात प्रिय व्हाल. जवळच्या लोकांचे सहकार्य प्राप्त होईल. कुटुंबातील व्यक्तींच्या संबंधांकडे लक्ष देण्याची गरज राहील. आपल्या वर्तनाने किंवा बोलण्याने इतर व्यक्ती दुखावणार नाहीत अथवा दुरावणार नाहीत याची काळजी घेणे क्रमप्राप्त ठरेल. जवळचे तसेच लांबचे प्रवास यशस्वी होतील. प्रगती व उन्नतीवर जास्त जोर वाढेल. प्रलंबित राहिलेली एखादी इच्छा पूर्ण होईल. अडलेले प्रश्न मार्गस्थ होतील. तरुणांचे नोकरीविषयक प्रश्न सुटतील.
|
 |
नवनवीन संधींचा लाभ
वृषभ : दीर्घकालीन रखडलेली अथवा प्रलंबित असलेली कामे मार्गी लागून पूर्णत्वाकडे प्रवास करतील. विशेषतः जमीन-जुमला, स्थावर मिळकत, वडिलोपार्जित संपत्ती याविषयी असलेले प्रश्न मार्गी लागतील. धनलाभाचे योग. राहत्या घराविषयीचा प्रश्न सुटेल. बरेच दिवस उराशी बाळगलेले स्वतःच्या मालकीच्या घराचे स्वप्न पूर्ण होईल. मात्र त्यासाठी प्रयत्न आवश्यक आहेत. तरुण-तरुणी आपल्या कारकिर्दीस एक वेगळे रूप देऊ शकतील. नवीन नवीन संधींचा लाभ मिळेल. त्या संधीचे सोने करणे आपल्याच हातात आहे. खेळाडू व कलाकार यांना नवीन लाभ मिळेल. त्याचप्रमाणे उत्पन्नात वाढ होईल. प्रसिद्धी मिळेल. व्यवसाय धंद्यातील परिस्थिती समाधानकारक राहून परदेशी संबंध येऊ शकतो. |
 |
धाडसी निर्णय घ्याल
मिथुन : नवीन निर्णय घेण्याची क्षमता आपल्यामध्ये निर्माण होऊन आपण धाडसी निर्णय घ्याल. व्यवसायात किंवा घरगुती कामात सुद्धा प्रसार माध्यमांचा चांगला उपयोग होईल. नव्या ओळखी होऊन नवीन व्यावसायिक अनुबंध जुळतील. व्यवसायात प्रगती करण्याच्या संधी मिळतील. कामानिमित्त जवळचे तसेच लांबचे प्रवास घडतील. मित्रमंडळीत व कुटुंबात आपला वेळ आनंदात व्यतीत होईल. उत्पन्न वाढेल. आर्थिक परिस्थिती सुधारेल. सामाजिक कार्यात रस घ्यावासा वाटेल. वाढविण्याकरीता खर्च कराल. व्यावसायिक व व्यक्तिगत आयुष्यात आपल्याला संबंधितांचे उत्तम सहकार्य लाभेल. पूर्वी अनुभवास आलेली आर्थिक कोंडी फुटेल.
|
 |
अनपेक्षित फायदे
कर्क : नोकरी, व्यवसाय धंदा यामधून अनपेक्षित फायदे मिळाल्यामुळे आश्चर्यचकित होण्याची वेळ येईल. समाजातील प्रतिष्ठित अथवा मोठ्या व्यक्तींचे आपल्याला सहकार्य लाभून त्यांच्या सहवासात राहता येईल. व्यावसायिक प्रगती होईल. समाजातील आपल्या प्रतिमेबाबत जागृत राहाल. त्यासाठी वेळ, पैसा खर्च करण्याची प्रवृत्ती बळावेल. कार्यमग्न राहून व्यवसाय तसेच कौटुंबिक विषयात व्यग्र राहाल. काही वेळेस घरातील कामांसाठी आपला जास्तीत जास्त वेळ खर्च होऊ शकतो. घरासाठी काही नवीन वस्तू विकत घ्याल. घराच्या नूतनीकरणाची इच्छा होईल. प्रेमात यश संपादित करू शकाल.
|
 |
ताणतणावात मुक्तता
सिंह : आपली बरीचशी कामे मार्गस्थ होतील. तरुण-तरुणींना स्पर्धा परीक्षेतून चांगले यश मिळेल. नोकरीसाठी अथवा अन्य कारणांसाठी दिलेल्या मुलाखती यशस्वी ठरून कामे होतील. बरेच दिवस रेंगाळलेली कामे मार्गी लावू शकाल. व्यावसायिक गाठीभेटी होतील. त्यातूनच व्यवसायासंबंधी भविष्यातील योजना तयार होतील. त्यामध्ये व्यस्त राहाल. नवीन मित्र मैत्रिणी जोडण्याची इच्छा होईल. व्यवसायानिमित्त अथवा धार्मिक कौटुंबिक कारणाने जवळचे तसेच दूरचे प्रवास घडतील. कुटुंबातील मुलांचे प्रश्न संपुष्टात येतील.
|
 |
भाग्यसंकेत मिळतील
कन्या : कामात सुसहाय्यता येणार आहे. सकारात्मकतेमध्ये वृद्धी होऊन अनुकूल परिणाम मिळतील. आपले बुद्धिचातुर्य व आत्मविश्वास, अंदाज यामध्ये द्वंद राहील. शांततेने मार्ग निघतील. आपण घेतलेले निर्णय योग्य ठरतील. त्यामुळे भाग्याचे संकेतच मिळतील. वैवाहिक जीवनात आनंद मिळेल. पती अथवा पत्नीचा भाग्योदय होऊन उत्कर्ष होईल. व्यवसाय धंद्यात उत्कर्ष अथवा प्रगती करु शकाल. कुटुंबातील विवाहयोग्य तरुण-तरुणींचे विवाह ठरतील. त्यांच्या विवाहात येणाऱ्या अडचणी दूर होतील. |
 |
चिंता मिटतील
तूळ : प्रिय व्यक्तीची चिंता संपुष्टात येईल. कुटुंब परिवारात शुभवार्ता मिळतील. तरुण-तरुणींच्या समस्या संपुष्टात येतील. नोकरीविषयक कामे होतील. व्यवसाय धंद्यातील परिस्थिती समाधानकारक राहील. विद्यार्थ्यांच्या दृष्टिकोनातून सदरचा कालावधी अनुकूल आहे. भौतिक लाभात वाढ होईल. भागीदारीच्या व्यवसायात विशेष फायदा संभवतो. धार्मिक कार्यात रस घेतल्याने आपल्याला समाधान लाभेल. नोकरीतील परिस्थिती सर्वसामान्य राहून इतरांचे सहकार्य मिळेल. वैवाहिक सुख मिळेल. कौटुंबिक सुखाची प्राप्ती होईल. कुटुंबातील वातावरण सुखद राहील. जीवन साथीचे सहकार्य मिळत राहील.
|
 |
वाद-विवाद नको
वृश्चिक : व्यवसाय धंद्यामधील उधारी वसूल होईल. व्यवसाय धंद्यामध्ये कामगारांचे प्रश्न अचानक समोर येऊ शकतात. सरकारी स्वरूपाचे काम मार्गी लागू शकेल. त्यामध्ये आपल्याला इतरांची मदत मिळू शकते; नोकरीमधील तसेच व्यवसायातील अपेक्षित सहकार्य मिळविण्यासाठी विशेष प्रयत्न करावे लागतील. व्यवसायातील आर्थिक गरज पूर्ण होऊ शकते. विद्यार्थ्यांनी आपल्या उज्वल भविष्यासाठी इतरत्र वेळ न घालवता अभ्यासावर लक्ष केंद्रित करावे. वाहनाच्या वेगावर नियंत्रण ठेवणे गरजेचे राहील. काही वेळेस अचानक धनलाभ संभवतो.
|
 |
नवीन उत्साह - उमेद वाढेल
धनु : दीर्घकालीन रखडलेली जमीन- जुमला, स्थावर मिळकत याबाबतची कामे गतिमान होऊन मार्गी लागतील. कुटुंबातील तरुण-तरुणींचे प्रश्न अथवा समस्या संपुष्टात येतील. नोकरीविषयक कामे होतील. कलाकार, खेळाडू यांना नवीन नवीन संधी मिळतील. आपले कर्तृत्व सिद्ध करण्याच्या संधी चालून येतील; परंतु या संधीचे सोने करणे आपल्याच हातात आहे हे लक्षात ठेवणे गरजेचे आहे. संयम बाळगा. आर्थिक परिस्थिती सुधारेल. आरोग्य सुधारेल. धार्मिक प्रवास होऊ शकतील.
|
 |
शुभ घटनांचे पर्व
मकर : आपल्या जीवनात काही सकारात्मक बदल झाल्यामुळे काही सुखद घटना घडतील. व्यवसाय धंद्यातील परिस्थिती समाधानकारक राहून नफ्याच्या प्रमाणात वाढ झालेली अनुभवता येईल. नोकरीमध्ये अपेक्षित घटना घडून पदोन्नती, वेतन वृद्धी यांसारख्या घटना घडतील. एखादी महत्त्वाची जबाबदारी पार पाडावी लागेल. सरकारी स्वरूपाच्या नोकरीमध्ये अतिरिक्त कार्यभार सोपवला जाण्याची शक्यता आहे. आपल्या कर्तृत्वाला वाव मिळेल परंतु आपण आपल्या अधिकार कक्षा ओळखून कार्य पूर्ण करणे हिताचे ठरेल. तसेच लहान मोठ्या प्रलोभने यांच्यापासून दूर राहावे. एखाद्या महत्त्वाच्या समारंभात मानाचे स्थान मिळेल. |
 |
दिलासा मिळेल
कुंभ : आजपर्यंत एखादे महत्त्वाचे काम जे रखडलेले होते किंवा आपण त्यांना कामाची पूर्ण होण्याची वाट बघत होता अशा स्वरूपाचे कार्य अचानक पूर्ण झाल्यामुळे आश्चर्य वाटेल. आर्थिक फायदा मिळू शकतो. काहींना वास्तुयोग. आपल्या स्वतःच्या घराचे स्वप्न पूर्ण होऊ शकते; प्रयत्न सफल होतील. कुटुंब परिवारात आपल्या जीवन साथीचे सहकार्य आपल्याला मिळत राहील. धनलाभाचे योग. तसेच व्यवसाय- धंद्यातील स्पर्धकांवर विशेष स्वरूपाची मात करू शकाल. नवीन संकल्पना नवीन तंत्रज्ञान यांचा वापर करून व्यवसायात बदल कराल. विद्यार्थ्यांना अनुकूल कालावधी आहे. परदेशी जाऊन उच्च शिक्षण घेण्याचे स्वप्न पूर्ण होऊ शकते. |
 |
उत्तम पर्याय मिळतील
मीन : अनेकानेक नवीन संधी मिळतील. आपले कर्तृत्व सिद्ध करता येईल. परदेशगमन होऊ शकते. भाग्योदय होईल. मानसन्मान प्राप्त होऊन अर्थार्जन वाढेल. कामाच्या स्वरूपात बदल होऊन स्थान बदल सुद्धा होऊ शकतो. आपले कार्यक्षेत्र रुंदावेल अधिकारांमध्ये वृद्धि होईल. त्याचा योग्य तो वापर करणे व आपल्या जबाबदाऱ्या पूर्ण करणे हिताचे ठरेल. कुटुंब परिवारातील विवाहयोग्य तरुण-तरुणींचे विवाह ठरतील. काहींचे परिचयोत्तर विवाह ठरण्याची शक्यता. घरात मंगल कार्य करू शकते. नातेवाईक आप्तेष्ट यांच्या गाठीभेटी होतील. सहकुटुंब, सहपरिवार लहान-मोठ्या प्रवासाचे योग.
|
