जोडप्यांना सुट्टीच्या दिवशीही करता येणार नोंदणी विवाह
मुंबई (खास प्रतिनिधी) : मुंबईत दरवर्षी हजारो जोडपी विवाहबंधनात अडकतात आणि लग्नानंतर विवाह प्रमाणपत्र मिळवणे हे एक महत्त्वाचे कायदेशीर काम असते. मुंबई महापालिकेच्या विभाग कार्यालयात बासाठी मोठी गर्दी होत असते. मात्र, विवाह नोंदणीची प्रक्रिया आणि त्याचे प्रमाणपत्र हे शनिवार व रविचार वगळता मिळवता येते.
नोकरदारांना रविवारीच सुट्टी असल्याने त्याच दिवशी याबाबतची प्रक्रिया करता येत नसल्याने मुंबईतील नागरिकांमध्ये प्रचंड नाराजी व्यक्त केली आहे. याची दखल घेत महापालिका आयुक्त तथा प्रशासक डॉ. भूषण गगराणी यांनी सार्वजनिक आरोग्य विभागाला रविवारीही ही सेवा देण्याचे निर्देश दिले आहेत. त्यानुसार रविवारी सुट्टीच्या दिवशीही विवाह नोंदणीची प्रक्रिया करता येणार आहे. त्यामुळे आता कामावर दांडी मारून आणि नातेवाइकांना सुटी घेण्याची गळ घालावी लागणार नाही.
विवाह नोंदणीची प्रक्रिया पूर्ण करण्यासाठी जोडप्यांना अनेकदा तार्सनतास प्रतीक्षा करावी लागते. गेल्या काही महिन्यांपासून विवाह नोंदणी करणाऱ्या जोडप्यांची संख्या लक्षणीय वाढली आहे, ज्यामुळे प्रशासनावरील ताण वाढला गेला आहे, कार्यालयात अपुऱ्या मनुष्यबळाची समस्या आहे. ज्यामुळे कामाला विलंब होतो. नोंदणीसाठी आवश्यक असलेल्या कागदपत्रांची तपासणी आणि पडताळणी यात वेळ जातो. अनेक जोडप्यांना एकाच दिवशी काम पूर्ण करणे शक्य होत नाही, त्यामुळे त्यांना पुन्हा पुन्हा कार्यालमाच्या फेऱ्या माराव्या लागतात. यामुळे वेळेचा अपव्यय होतो आणि त्रास वाढतो.
काही प्रमाणात विवाह नोदणीची प्रक्रिया ऑनलाइन उपलब्ध असली तरी, कागदपत्रांची पडताळणी आणि अंतिम स्वाक्षरीसाठी प्रत्यक्ष कार्यालयात जाणे बंधनकारक आहे. सर्व कागदपत्रांची ऑनलाइन अपलोड करण्याची आणि प्राथमिक तपासणी करण्याची सुविधा उपलब्ध केल्यास कार्यालयातील गर्दी कमी होईल. अनेक कामांसाठी सोमवार ते शनिवार या दिवसांमध्ये कार्यालये उघड़ी असतात, पण रविवारी सार्वजनिक सुट्टीमुळे विवाह नोंदणी सेवा पूर्णपणे बंद असते. अनेक नवविवाहित जोडपे, जे
आठवड्यातील कामामुळे व्यस्त असतात, त्यांना रविवारीच या कामासाठी वेळ मिळतो. मात्र, महापालिकेची सेवा बंद असल्यामुळे त्यांना मोठा मनस्ताप होती. अनेक जोडप्यांनी याबद्दल नाराजी व्यक्त करत आणि किमान रविवारच्या दिवशी याची मर्यादित स्वरूपात सेवा सुरू करण्याची मागणी केलेली आहे. नागरिकांच्या या मागणीचा विचार करता महापालिका आयुक्त तथा प्रशासक डॉ. भूषण गगराणी यांनी महापालिका सार्वजनिक आरोग्य विभाग, नागरी सुविधा केंद्र आदींना सूचना करून ही सुविधा रविवारीही खुली ठेवण्याचा सूचना कल्पा आहेत.
