अभिनेता ललित प्रभाकर आणि अभिनेत्री हृता दुर्गुळे ही जोडी ‘आरपार’ या सिनेमातून पहिल्यांदाच मोठ्या पडद्यावर एकत्र येणार आहे. रोमँटिक कथा असलेल्या या सिनेमात ललित व ऋता यांना एकत्र पाहायला मिळणार आहे. ‘प्रेमात अधलं मधलं काही नसतं', याचे वर्णन दर्शविणारा हा सिनेमा आहे. नुकतेच ‘आरपार’ सिनेमातले पहिले गाणे ‘जागरण गोंधळ’ भेटीला आले. या गाण्यात लोककला अभ्यासक गणेश चंदनशिवेंचा यांचा असल्याचे समजते.
‘आरपार’ सिनेमातील ललित प्रभाकर देवीचा जागरण गोंधळ करताना दिसतो. त्यावेळी समजते की ललित आणि हृता दुर्गुळेचे ब्रेकअप झाले आहे. त्यामुळे देवीच्या उत्सवात ललितला वारंवार हृताची आठवण येत असते. त्यामुळेच तो दुःखात बेभान होऊन नाचताना दिसतो. ती गेल्यावरही जेव्हा तिच्या आठवणी सोडत नाहीत. तेव्हा तुटलेले हृदय देवीचा धावा करतयं असे कॅप्शन देत हे गाणे अनेकांना शेअर करण्यात आले. हे गाणे रिलीज होताच प्रेक्षकांच्या चांगलेच पसंतीस उतरले आहे. लिऑन्स मीडिया प्रॉडक्शन एलएलपी' प्रस्तुत, निर्माते नामदेव काटकर, रितेश चौधरी निर्मित ‘आरपार’ हा सिनेमा आहे. या सिनेमाचे दिग्दर्शन, कथा, पटकथा, संवाद या धुरा गौरव पत्की यांनी सांभाळल्या आहेत. प्रेमाची अनोखी परिभाषा मांडणारा हा रोमँटिक सिनेमा हृता व ललित या नव्या जोडीसह १२ सप्टेंबरला सर्वत्र प्रदर्शित होणार आहे. या सिनेमात ललित-हृतासोबत माधव अभ्यंकर, सुहिता थत्ते, स्नेहलता वसईकर या कलाकारांच्याही प्रमुख भूमिका आहेत.