आज जागतिक सोन्याच्या गोल्ड फ्युचर निर्देशांकात दुपारपर्यंत ०.१९% घसरण झाली आहे. तर जागतिक मानक म्हणून ओळखल्या जाणाऱ्या युएस गोल्ड स्पॉट दरात दुपारपर्यंत ०.१८% वाढ झाल्याने प्रति डॉलर सोन्याची दरपातळी ३३४८.६९ औंसवर गेली आहे. भारतीय कमोडिटी बाजारातील एमसीएक्स (Multi Commodity Exchange MCX) मध्ये दुपारपर्यंत ०.१७% घसरण झाल्याने सोन्याची दरपातळी १००१४८.०० रूपयांवर गेली आहे. भारतातील मुंबईसह प्रमुख शहरातील सोन्याची सरासरी दरपातळी २४ कॅरे टसाठी १०१४० रूपये,२२ कॅरेटसाठी ९२९५ रूपये,१८ कॅरेटसाठी ७६७५ रुपयांवर पोहोचली आहे. आज युएस चीन बोलणीला यशस्वी स्वरूप आल्याने बाजारात सकारात्मकता होती ज्याचा फायदा कमोडिटी बाजारातही पडला. कमोडिटीतील प्रत्यक्ष सोन्याच्या मागणीत घसरण झाल्याने तसेच स्पॉट बिडिंगमध्ये मागणी घटल्याने ही सोन्यात घसरण झाली. दुसरीकडे युएस डॉलरच्या तुलनेत रुपयाची वाढ झाल्यानेही सोन्याच्या पातळीला भारतातही सपोर्ट लेवल मिळण्यास मदत झाली आहे.जागतिक सोन्याच्या निर्देशांकात दिवसभरात घसरण सुरु असल्याने मागणीपेक्षा पुरवठा अधिक होता. त्यामुळे सोन्याची सप्लाय चेनवर दबाव आला नाही. याखेरीज अमेरिकेतील बाजारात आगामी दिवसात जुलै महिन्यातील महागाईची आकडेवारी जाहीर होणार असल्याने गुंतवणूकदारांनी गुंतव णूक करताना सावधगिरी बाळगली असल्याची शक्यता अधिक आहे. आशियाई बाजारातील झालेल्या रॅलीनंतर त्याचा फायदा आज सकाळी शेअर बाजारात झाला. जो आता सोन्यातही परिवर्तित होत आहे.
आजच्या सोन्याच्या परिस्थितीवर विश्लेषण करताना मोतीलाल ओसवाल फायनांशियल सर्व्हिसेसचे मेटल विश्लेषक मानव मोदी म्हणाले आहेत की,'गेल्या आठवड्याच्या अखेरीस रशिया-युक्रेन युद्धबंदीची शक्यता आणि स्विस गोल्ड टॅरिफमध्ये घट झाल्यामुळे गे ल्या आठवड्याच्या अखेरीस सोन्याच्या किमतीत घसरण सुरूच होती. यूएस कस्टम्स आणि बॉर्डर प्रोटेक्शनने एक निर्णय जारी केला होता की वॉशिंग्टन अमेरिकेत सोन्याच्या बारांना देश-विशिष्ट आयात शुल्काखाली ठेवू शकते, ज्यामुळे धातूच्या जा गतिक पुरवठा साखळ्यांना धक्का बसला असता. अमेरिकेचे अध्यक्ष ट्रम्प म्हणाले की ते सोन्यावर शुल्क लादणार नाहीत, ज्यामुळे चालू जागतिक व्यापार वादात सोने अडकू शकते अशा अटकळांचा अंत झाला. दरम्यान, अमेरिका आणि चिनी अधिकाऱ्यांमधील बैठकीत, अध्यक्ष ट्रम्प यांनी एनव्हीडियाला चीनला शुल्क आकारून प्रगत चिप्स विक ण्याचा मार्ग उघडला. अमेरिका आणि चीनने पुन्हा एकदा तिहेरी अंकी टॅरिफ टाळून त्यांच्या टॅरिफ ट्रुसला 90 दिवसांपेक्षा जास्त काळ वाढवले. रशिया आणि युक्रेनमध्ये युद्धबं दीबाबत आशावादही वाढत आहे, तथापि, या आठवड्याच्या अखेरीस अमेरिका आणि रशिया भेटल्यानंतरच बाजाराला अधिक स्पष्टता मिळेल. सीएमई फेड वॉच टूलच्या अहवालातून असे दिसून आले आहे की सप्टेंबरच्या बैठकीत दर कपातीसाठी बाजारातील सहभागी 85% संभाव्यतेमध्ये किंमत ठरवत आहेत. या दिवसाचे लक्ष अमेरिकेच्या सीपीआय डेटावर असेल जे या वर्षी होणाऱ्या धोरण बैठकांसाठी फेडच्या भूमिकेबद्दल स्पष्टता प्रदान करेल.'
चांदीतही घसरण !
दोन दिवसांच्या चांदीच्या जैसे थे दरानंतर आज चांदीच्या दरात किरकोळ घसरण झाली आहे. प्रामुख्याने औद्योगिक मागणीतील झालेल्या किरकोळ घसरणीसह जागतिक चांदीच्या दरातही स्थिरता आल्याने चांदी घसरली. मात्र संध्याकाळपर्यंत पुन्हा चांदीतही वा ढ होण्यास सुरुवात झाली आहे. भारतीय बाजारपेठेत सोन्याप्रमाणेच चांदीच्या मूल्यांकनात डॉलर घसरल्याने वाढ झाली नाही. संध्याकाळपर्यंत मात्र चांदीच्या स्पॉट बेटिंग मागणीत पुन्हा वाढ सुरु झाल्याने वाढ होणे अपेक्षित असले तरी अजूनही भारतीय सराफा बा जारातील चांदीच्या दरात आज सरासरी घसरणच झाली आहे. 'गुडरिटर्न्स' संकेतस्थळावरील माहितीनुसार, चांदीच्या प्रति ग्रॅम दरात २ रुपयाने, प्रति किलो दरात २००० रूपयांनी घसरण झाली आहे. त्यामुळे प्रति ग्रॅम दर ११५ रूपये, प्रति किलो दर ११५००० रूप यांवर गेला आहे. मुंबईसह भारतातील प्रमुख शहरातील सरासरी चांदीचा प्रति ग्रॅम दर ११५ रूपयांवर व प्रति किलो दर ११५००० रूपयांवर गेला आहे. जागतिक बाजारपेठेतील चांदीच्या सिल्वर फ्युचर निर्देशांकात दुपारपर्यंत ०.०१% घसरण झाली होती. तर भार तातील एमसीएक्समध्ये चांदीच्या निर्देशांकात ०.०२% घसरण झाल्याने चांदीची दरपातळी ११३२७०.०० रूपयांवर पोहोचली आहे. भारताच्या चांदीच्या दरात आज घसरण झाल्याने आज कमोडिटी बाजाराला वेटेज मिळाले यात शंका नाही.