मुंबई : पोकोकडून एम 7 प्लस 5जी भारतात लॉन्च होणार असल्याची अधिकृत घोषणा करण्यात आली आहे. हा स्मार्टफोन 13 ऑगस्ट रोजी दुपारी 12 वाजता सादर केला जाणार आहे. हा डिव्हाइस कंपनीच्या एम 7 5जी सिरीजमधील नवीन सदस्य असून, सध्या उपलब्ध असलेल्या पोको एम 7 5जी आणि एम 7 प्रो 5जी मॉडेल्ससोबत बाजारात उपलब्ध होईल.
लॉन्चपूर्वी पोकोने या हँडसेटच्या काही महत्वाच्या वैशिष्ट्यांची माहिती दिली आहे. पोको एम 7 प्लस 5जीमध्ये 7,000mAh सिलिकॉन-कार्बन बॅटरी देण्यात आली आहे. कंपनीच्या मते, 7,000mAh बॅटरी असलेल्या सेगमेंटमधील हा सर्वात पातळ स्मार्टफोनपैकी एक असेल.
फोनमध्ये रिव्हर्स चार्जिंगची सुविधाही असेल, ज्याद्वारे वापरकर्ते इतर अँड्रॉईड आणि आयओएस स्मार्टफोन्स तसेच IoT डिव्हाइसेस चार्ज करू शकतील.
किंमत व अपेक्षित स्पेसिफिकेशन्स
अधिकृत किंमत अद्याप जाहीर झालेली नाही. मात्र, कंपनीने या फोनची तुलना 15,000 रु च्या आतल्या स्मार्टफोन्सशी केली आहे, त्यामुळे किंमत याच रेंजमध्ये असण्याची शक्यता आहे. फोन फ्लिपकार्ट वर विक्रीसाठी उपलब्ध होईल, यासाठी विशेष मायक्रोसाइटही लाईव्ह करण्यात आली आहे.
अपेक्षित स्पेसिफिकेशन्सनुसार, पोको एम 7 प्लस 5जी मध्ये 6.9-इंच डिस्प्ले आणि 144Hz रिफ्रेश रेट असणार आहे. यात क्वॉलकॉम स्नॅपड्रॅगन 6s Gen 3 चिपसेट असण्याची शक्यता आहे. कॅमेरासाठी, मागील बाजूस 50MP प्रायमरी सेंसरसह ड्युअल कॅमेरा सेटअप आणि पुढे 8MP फ्रंट कॅमेरा दिला जाईल.
बॅटरी परफॉर्मन्सबाबत, लीक झालेल्या माहितीनुसार, हा फोन एका चार्जवर 12 तास नेव्हिगेशन, 24 तास व्हिडिओ प्लेबॅक, 27 तास सोशल मीडिया वापर आणि 144 तास ऑफलाइन म्युझिक प्लेबॅक देऊ शकतो. पोको एम 7 प्लस 5जी चे संपूर्ण स्पेसिफिकेशन्स आणि किंमत 13 ऑगस्टच्या लॉन्च इव्हेंटमध्ये जाहीर करण्यात येतील.
