भारत आणि चीनच्या सैनिकांचा गलवान खोऱ्यात संघर्ष झाला होता. या संघर्षाचा संदर्भ असलेला भारतीय कर्नलची गोष्ट सांगणारा चित्रपट म्हणजे 'बॅटल ऑफ गलवान'. या चित्रपटाचे ऑगस्ट महिन्यात मुंबईत शूटिंग करायचे नियोजन होते. आता हे शूटिंग रद्द झाले आहे.
चित्रपटाचे शूटिंग लडाखमध्येच सुरू होणार आहे. चित्रपटातील साहसी दृश्यांचे शूटिंग २२ ऑगस्ट ते ३ सप्टेंबर या काळात होणार आहे. मुंबईतील सेटवरचे शूट आणि लडाखमधील शूट यात किमान ३० दिवसांचे अंतर राहणार होते. यामुळे चित्रपट सातत्य अर्थात सिनेमा कंटिन्यूटीवर प्रतिकूल परिणाम होण्याचा धोका होता. यामुळेच मुंबईतले ठरलेले सेटवरचे शूटिंग रद्द करण्यात आले आहे.
'बॅटल ऑफ गलवान' या चित्रपटात सलमान कर्नल बिक्कुमल्ला संतोष बाबूची भूमिका साकारत आहे. चित्रांगदा सिंग पहिल्यांदाच सलमानसोबत दिसणार आहे. जेन शॉ, अंकुर भाटिया, हर्षिल शाह, हीरा सोहल, अभिलाष चौधरी आणि विपिन भारद्वाज हे कलाकार पण या चित्रपटात दिसतील.
विषय संवेदनशील असल्यामुळे आवश्यक ती परवानगी घेतल्यानंतरच चित्रपटाच्या शूटिंगचे नियोजन सुरू करण्यात आले आहे.
