नवी दिल्ली: पाकिस्तानचा २४ वर्षीय क्रिकेटर हैदर अलीला बलात्कार प्रकरणात ब्रिटनमध्ये अटक करण्यात आली आहे. बलात्काराची घटना २३ जुलैला घडली होती. ३ ऑगस्टला हैदर अलीला ग्रेटर मँचेस्टर पोलिसांनी अटक केली. अटकेच्या वेळेत तो पाकिस्तान शाहीन्सकडून ३ ऑगस्टला बॅकेनहेममध्ये वनडे सामना खेळत होता.
पाकिस्तान क्रिकेट मंडळाच्या विधानानुसार पोलिसांकडून सुरू असलेल्या तपासाची माहिती मिळाली आहे. पीसीबीने म्हटलंय की ते खेळाडूंची भलाई आणि कायदेशीर अधिकारांना अधिक प्राथमिकता देतात.
यामुळे मंडळाने सुनिश्चित केले की हैदर अलीला कायदेशीर मदत दिली जाईल. यामुळे त्याची सुरक्षा आणि अधिकारांची रक्षा केली जाईल. तसेच जोपर्यंत तपास पूर्ण होत नाही तोपर्यंत हैदर अलीला अनिश्चित काळासाठी निलंबित केले जात असल्याचा निर्णयही पीसीबीने घेतला आहे.
हैदर अलीने २०२०मध्ये आंतरराष्ट्रीय क्रिकेटमध्ये पदार्पण केले होते. त्याने पाकिस्तानसाठी आतापर्यंत २ वनडे आणि ३५ टी-२० आंतरराष्ट्रीय सामने खेळले आहेत. टी-२०मध्ये त्याच्या नावावर ५०५ धावा आहेत. यात तीन अर्धशतकांचा समावेश आहे. फर्स्ट क्लास क्रिकेटमध्ये त्याने २७ सामन्यांमद्ये १.७९७ धावा केल्या तर त्याची सरासरी ४७हून अधिक आहे.