मुंबई : ‘१२० बहादुर’ चित्रपटाच्या पोस्टरच्या धमाकेदार अनावरणानंतर एका दिवसातच चित्रपटाच्या निर्मात्यांनी ‘१२० बहादुर’ चा टीझर प्रदर्शित केला आहे, ज्याची सर्वजण आतुरतेने वाट पाहत होते. हा टीझर प्रचंड स्केल, भावना आणि जोशपूर्ण देशभक्तीने भरलेला आहे. रितेश सिधवानी व फरहान अख्तर (एक्सेल एंटरटेनमेंट) तसेच अमित चंद्रा (ट्रिगर हैप्पी स्टुडिओज) निर्मित ‘१२० बहादुर’ हा चित्रपट २१ नोव्हेंबर २०२५ रोजी सिनेमागृहांमध्ये प्रदर्शित होणार आहे.
या टीझरमध्ये अभिनेता फरहान अख्तर हा मेजर शैतान सिंह भाटी यांच्या दमदार भूमिकेत झळकत आहेत. पहिली झलकच स्पष्टपणे दाखवते की हा चित्रपट धैर्य आणि बलिदान यांच्याशी संबंधित एक जबरदस्त युद्धपट ठरणार आहे. १९६२ च्या रेजांग ला लढाईच्या खरी शौर्यगाथेवर आधारित या कथेत, टीझरमध्ये दाखवले आहे की केवळ १२० भारतीय जवानांनी हजारो शत्रूंना सामोरे जात इतिहास घडवला. या सगळ्यातून एक प्रभावी संवाद सतत ऐकायला येतो “हम पीछे नहीं हटेंगे!” हा संवाद प्रत्येक फ्रेममध्ये चित्रपटाची खरी भावना अधोरेखित करतो.
निर्मात्यांनी आपल्या ऑफिशियल सोशल मीडिया हँडलवर टीझर शेअर करत लिहिले आहे की, फरहान अख्तर यांची ही दमदार पुनरागमनाची झलक आहे. या टीझरमध्ये ते एका गंभीर, संयमी आणि मनाला भिडणाऱ्या अंदाजात दिसत आहेत. मेजर शैतान सिंह यांच्या रूपातील त्यांचे अभिनय प्रामाणिकते आणि शांत पण प्रभावी शैलीसाठी आधीच कौतुकास पात्र ठरत आहे.
लडाख, राजस्थान आणि मुंबई येथे चित्रित करण्यात आलेला हा चित्रपट आतापर्यंतच्या सर्वात मोठ्या स्केलवर तयार करण्यात आला आहे, जो युद्धभूमीचं वास्तव अत्यंत प्रामाणिकपणे पुन्हा जिवंत करतो. बर्फाच्छादित थरथरत्या जमिनीपासून ते युद्धभूमीच्या शांततेपर्यंत प्रत्येक फ्रेम एक गंभीरता आणि गहनता घेऊन येते.