पाकिस्तानात ५.१ रिश्टर स्केलवर तीव्रतेचा भूकंप

  25

इस्लामाबाद: पाकिस्तानच्या अनेक भागांमध्ये रविवारी (३ ऑगस्ट) भूकंपाचे तीव्र झटके जाणवले. पाकिस्तानच्या नॅशनल सिस्मिक मॉनिटरिंग सेंटर (एनएसएमसी) नुसार या भूकंपाची तीव्रता ५.१ रिश्टर स्केलवर नोंदवली गेली. हे झटके शनिवारी व रविवारीच्या दरम्यान मध्यरात्री १२:१० वाजता जाणवले.

पाकिस्तानच्या नॅशनल सिस्मिक मॉनिटरिंग सेंटर नुसार, या भूकंपाचे केंद्र रावतपासून १५ किमी दक्षिण-पूर्वेला होते आणि त्याची खोली केवळ १० किमी होती. भूकंपाचा प्रभाव खैबर पख्तूनख्वा, इस्लामाबाद, रावळपिंडी आणि आसपासच्या अनेक भागांमध्ये जाणवला गेला. इस्लामाबाद आणि रावळपिंडीसोबतच मर्दान, मुर्री, हरिपूर, चकवाल, ताला गंग आणि कलर कहारपर्यंत हे झटके जाणवले गेले.

यापूर्वी शनिवारीदेखील ५.४ तीव्रतेचा भूकंप झाला होता, ज्याचे केंद्र अफगाणिस्तानमधील हिंदुकुश पर्वतीय भागात होते. एनएसएमसीने सांगितले की , त्या भूकंपाचे झटके पाकिस्तान, अफगाणिस्तान आणि ताजिकिस्तानच्या अनेक भागांमध्ये जाणवले गेले. खैबर पख्तूनख्वा भागात शनिवारी(दि.२) जे झटके जाणवले, ते पेशावर, स्वात, मलकंद, नौशेरा, चारसद्दा, करक, दीर, मर्दान, मोहम्मद, शांगला, हंगू, स्वाबी, हरिपूर आणि एबटाबाद या भागांमध्ये होते. त्याचप्रमाणे, इस्लामाबाद, रावळपिंडी, लाहोर, अटॉक, टेक्सिला, मुर्री, सियालकोट, गुजरांवाला, गुजरात, शेखुपुरा, फिरोजवाला आणि मुरिदके या भागांमध्येही हे झटके जाणवले.

आत्तापर्यंत या दोन्ही भूकंपांमुळे कोणतीही जीवित वा मालमत्तेची हानी झाल्याची माहिती मिळालेली नाही. मात्र लोकांमध्ये भीतीचे वातावरण आहे.

Comments
Add Comment

'भारत आता रशियाकडून तेल खरेदी करणार नाही...' डोनाल्ड ट्रम्प यांचा मोठा दावा

वॉशिंग्टन: अमेरिकेचे राष्ट्राध्यक्ष डोनाल्ड ट्रम्प यांनी भारत आता रशियाकडून कच्चे तेल खरेदी करणे थांबवू शकतो,

२५% ट्रम्प टॅरिफचा धोका टळला! एक आठवड्यासाठी दिलासा

वॉशिंग्टन: अमेरिकेचे अध्यक्ष डोनाल्ड ट्रम्प यांनी बुधवारी भारतावर २५ टक्के टॅरिफची घोषणा केली होती, जी १

ट्रम्प यांनी ४१ टक्क्यांपर्यंत लावला टॅरिफ, आदेशावर केली स्वाक्षरी, भारतासह ७० देशांवर होणार परिणाम

वॉशिंग्टन : अमेरिकेचे राष्ट्राध्यक्ष डोनाल्ड ट्रम्प मोठा निर्णय घेताना यांनी अनेक देशांच्या वस्तूंवर १० ते ४१

Ashish Shelar : नेटफ्लिक्सने मराठी कंटेंट क्रिएटर्स व मनोरंजन उद्योगासोबत भागीदारी करावी : मंत्री आशिष शेलार

सांस्कृतिक कार्य मंत्री तथा माहिती तंत्रज्ञान मंत्री ॲड. आशिष शेलार यांचे आवाहन लॉस एंजेलिस : मनोरंजर

रशियामध्ये भीषण भूकंपानंतर अनेक देशांमध्ये अलर्ट!

मॉस्को : रशियाच्या पूर्वेकडील कामचाटका द्वीपकल्पाच्या समुद्रकिनारी बुधवारी ८.८ रिश्टर स्केलचा भयंकर भूकंप

ट्रम्प भारतावर भडकले, घेतला टोकाचा निर्णय

वॉशिंग्टन डी. सी. : अमेरिकेचे अध्यक्ष डोनाल्ड ट्रम्प यांनी भारतावर २५ टक्के आयातशुल्क (कर) अर्थात टॅरिफ लादण्याची