मुंबईत अपघात; कार उलटली, दुभाजक ओलांडून पलिकडच्या रस्त्यावर गेली आणि...

मुंबई : रविवार म्हणजे अनेकांसाठी सुटीचा, विश्रांतीचा दिवस. यामुळे मुंबईकर निवांत असतात. पण आजच्या रविवारची सुरुवात एका वाईट बातमीने झाली आहे. मुंबईत अपघात झाला आहे. अंधेरीहून वांद्र्याच्या दिशेने जात असलेली कार वाकोला पुलावर उलटली. कार उलटली आणि दुभाजक ओलांडून पलिकडच्या रस्त्यावर जाऊन पडली. कारमध्ये चालकाच्या सुरक्षेसाठी एअरबॅग होती. ही एअरबॅग असल्यामुळे चालकाचा जीव वाचला. अपघातात चालक किरकोळ जखमी झाला. अपघातात जखमी झालेल्या सर्वांना वाकोला पोलिसांनी मुंबई महापालिकेच्या रुग्णालयात दाखल करण्यात आले. अपघात ज्या ठिकाणी झाला तिथल्या दुभाजकाची तसेच रस्त्याची डागडुजी करण्याचे काम अनेक दिवसांपासून सुरू आहे. पण या ठिकाणी सिग्नल किंवा अडथळा दर्शवणारे चिन्ह लावलेले नव्हते. याच कारणामुळे या ठिकाणी वारंवार अपघात होत आहेत.