प्रतिनिधी: सेबीला एनएसई (National Stock Exchange NSE) कडून ४०.३५ कोटींची भरपाई मिळाली आहे. नॅशनल स्टॉक एक्सचेंजने विनापरवानगी बाजारातील संवेदनशील माहिती त्यांच्याशी संबंधित असलेल्या एनएसई डेटा अँड ॲनालिटिक्स (NDAL) संस्थेला पुरवल्याचा ठपका एनएसईवर नियामक (Regulator) मंडळानी ठेवला आहे. बाजारात कंपनीचे आयपीओ येण्यापूर्वीच कथित प्रकरणात एक्सचेंजने डेटा ॲनालिटिक्स विभागाला पुरवली. ही संवेदनशील माहिती कंपनीच्या सूचीबद्ध (Listed) होण्यापूर्वी च लिक केल्याने इनसायडर ट्रेडिंग (Insider Trading) कायद्याचे उल्लंघन केल्याचे सेबीने म्हटले होते. त्याचीच भरपाई म्हणून झालेल्या सेटलमेंटमध्ये ४०.३५ कोटी रूपये नियामक मंडळाला (SEBI) भरले आहेत. प्रसारमाध्यमांनी दिलेल्या माहितीनुसार,एनए सईने स्वतःहून सेटलमेंट अर्ज दाखल केला आणि सिस्टीम ऑडिट आणि अनुपालन अहवाल यासारख्या गैर-मौद्रिक अटींसह (Non Monetary Terms) ४०.३५ कोटी पेमेंटचा प्रस्ताव मांडला.एक्सचेंजने केलेल्या अंतर्गत पुनरावलोकनात (Internal Review) व्यापक संघटनात्मक निर्णयांमुळे या चुका झाल्याचे स्पष्ट केले गेले तसेच हेही स्पष्ट केले की कोणतीही व्यक्ती वैयक्तिकरित्या जबाबदार नाही.'
याशिवाय को-लोकेशन आणि डार्क फायबर अँक्सेसशी संबंधित प्रकरणांसह इतर चालू आणि मोठ्या प्रकरणांमध्ये एनएसईला अजूनही छाननीचा सामना करावा लागणार आहे त्यामुळे त्यांच्यावरील अडचणीचे सावट कायम आहे. स्टॉक एक्सचेंजने २० जून रोजी त्या प्रकरणांमध्ये स्वतंत्र सेटलमेंट अर्ज (Settlement Application) दाखल केले आहेत आणि नियामकाच्या निर्णयाची वाट पाहत आहेत.
आणखी काय घडले?
या प्रकरणात कंपनीच्या गोपनीय घोषणा सार्वजनिक होण्यापूर्वी त्यांच्याशी संबंधित ॲनालिटिक्सला केल्याचा माहितीचाही समावेश आहे. सेबीला असे आढळून आले की फेब्रुवारी २०२१ ते मार्च २०२२ दरम्या एनएसईने औपचारिक करार न करता संवेदनशील डेटा तृतीय-पक्ष विक्रेत्याला (Third Party Vendor) आणि त्यांच्या उपकंपनीला एनएसई डेटा अँड अँनालिटिक्स (एनडीएएल) ला देण्याची परवानगी दिली. त्यानंतर या उपकंपनीने इनसाइडर ट्रेडिंग नियमांचे उल्लंघन करून आपल्या क्लायंटना डेटा प्रसारित (Broadcast) केला.
सेटलमेंट ऑर्डरमध्ये असलेल्या माहितीप्रमाणे,एनएसईमधील सिस्टम आर्किटेक्चरमुळे एनडीएएल क्लायंटना एक्सचेंजच्या वेबसाइटवर सार्वजनिक प्रकाशनापूर्वी किंमत-संवेदनशील घोषणांचा अँक्सेस उपकंपनी (Subsidiary) ला मिळाला. यामुळे सेबीने म्हट ल्याप्रमाणे, इनसाइडर ट्रेडिंग प्रतिबंध नियम २०१५ यासह अनेक नियमांचे उल्लंघन एनएसईकडून झाले. सेबीने इतर प्रशासन समस्या अधोरेखित केल्या ज्यामध्ये,'योग्य मंजुरीशिवाय दंड माफ करण्याचा समितीचा अधिकार आणि असंबंधित संस्थात्मक गुंतवणूक दारांमधील क्लायंट कोड बदलांवर देखरेख करण्यातील त्रुटी अशा इतर समस्यांचाही आरोपपत्रात समावेश होता.
