मोहित सोमण: पीएनबी हाउसिंग फायनान्स कंपनीचे शेअर्स अखेरच्या सत्रात १८% कोसळले आहेत. इतक्या मोठ्या प्रमाणात कंपनीचे शेअर्स कोसळण्यामागे कंपनीच्या अंतर्गत घडामोडी जबाबदार ठरल्या आहेत.कंपनीचे सर्वेसर्वा व मुख्य कार्यकारी अधिका री व कार्यकारी संचालक गिरीश कौसगी यांनी राजीनामा दिल्यानंतर कंपनीच्या शेअर गुंतवणूकदारांचे धाबे दणाणले. शुक्रवारी सकाळीच कंपनीचा शेअर ८३४ रूपयांवर उघडला गेला होता आता दुपारी ३ वाजेपर्यंत कंपनीचा शेअर १७.९३% कोसळला आहे. संपूर्ण दिवसभरात कंपनीचा शेअर १५ ते १७% किंमतीवर ट्रेड करत आहेत ज्याचा तोटा गुंतवणूकदारांना सहन करावा लागत आहे.
दुपारी ३ वाजेपर्यंत १७.९३% घसरण झाल्याने कंपनीच्या प्रति शेअरची किंमत ८०९ रूपयांवर पोहोचली आहे.मात्र 'गृहनिर्माण वित्त मंडळ लवकरच या पदासाठी शोध सुरू करेल. पीएनबी हाऊसिंग फायनान्सचा वारसा आणखी वाढवणारा नवीन नेता नियुक्त कर ण्यासाठी बोर्ड कठोर, पारदर्शक आणि गुणवत्तेवर आधारित निवड प्रक्रिया सुरू करेल. आम्हाला लवकरच एक योग्य व्यावसायिक निवडण्याचा विश्वास आहे, जो आमच्या धोरणात्मक दिशा आणि दीर्घकालीन मूल्य निर्मितीला आणखी गती देईल असे पीएनबी हा ऊसिंग फायनान्सच्या संचालक मंडळाच्या नामांकन आणि मोबदला समितीचे अध्यक्ष आर. चंद्रशेखरन प्रसारमाध्यमांशी बोलताना म्हणाले आहेत. याशिवाय कंपनीच्या दाव्यानुसार कंपनीची आर्थिक व संरचनात्मक परिस्थिती मजबूत स्थितीत आहे. कंपनीला कुठ ल्याही प्रकारचा धोका नाही. कौसगी यांनी कंपनीच्या उभारलेल्या यशस्वी व्यवसायाला कुठल्याही धोका नसून व्यवसायतील फोकस हा कायम राहणार असे कंपनीने म्हटले.
आर्थिक वर्षाच्या जून तिमाहीत कंपनीचा निव्वळ नफा २३% वाढून ५३४ कोटी झाला होता. गृहनिर्माण वित्त कंपनी पीएनबीने मागील वर्षीच्या तुलनेत या तिमाहीत ४३३ कोटींचा निव्वळ नफा (Net Profit) कमावला होता. या तिमाहीत कंपनीच्या एकूण उत्पन्नात वाढ झाली आहे. मागील आर्थिक वर्षाच्या तुलनेत याच तिमाहीत १,८३२ कोटींवरून २०८२ कोटी रुपये उत्पन्न झाले आहे.या तिमाहीत व्याज उत्पन्न (Net Interest Income) जे गेल्या वर्षीच्य १,७३९ कोटींच्या तुलनेत १,९८० कोटी इतके वाढले. कंपनीचे सध्याचे एकूण बाजार भांडवल (Market Capitalisation) २१७२१.१८ कोटी रुपये आहे.
