राजर्षी शाहू महाराज ज्येष्ठ साहित्यिक व कलावंत मानधन सन्मान योजनेमध्ये अर्ज करण्यासाठी पंधरा दिवसाची मुदतवाढ

मुंबई : राज्य शासनाच्या सांस्कृतिक कार्य विभागाअंतर्गत राजर्षी शाहू महाराज ज्येष्ठ साहित्यिक व कलावंत योजनेअंतर्गत साहित्य आणि प्रयोगात्मक कलेच्या क्षेत्रातील पन्नास वर्षावरील ज्येष्ठ साहित्यिक व कलावंत यांना मानधन देण्यात येते. या योजनेमध्ये अर्ज करण्यासाठी पंधरा दिवसाची मुदत वाढ देण्यात आल्याचे सांस्कृतिक कार्यमंत्री अ‍ॅड.आशिष शेलार यांनी घोषित केले आहे.

राज्यामधील राजर्षी शाहू महाराज जेष्ठ साहित्यिक व कलावंत मानधन सन्मान या योजनेअंतर्गत अर्ज भरण्यासाठीची शेवटची तारीख ३१ जुलै २०२५ ही होती. राज्यातील अनेक कलाकार व कलाकार संघटनांनी ही मुदत वाढवावी अशी मागणी सांस्कृतिक कार्य मंत्री आशिष शेलार यांच्याकडे केली होती.

त्यांच्या विनंतीनुसार या योजनेअंतर्गत अर्ज भरण्यासाठी पंधरा दिवसाची मुदतवाढ देण्यात येणार आहे, अशी घोषणा मंत्री शेलार यांनी केली आहे. या संदर्भात सांस्कृतिक कार्य संचालनालयाने योग्य ती कार्यवाही करावी असे निर्देशही दिले आहेत.