जम्मू-काश्मीर: जम्मू-काश्मीरमधील पुंछ सेक्टरमध्ये सुरक्षा दल आणि दहशतवाद्यांमध्ये झालेल्या चकमकीत दोन दहशतवाद्यांना कंठस्नान घालण्यात आले आहे. या ठिकाणी भारतीय लष्कर आणि जम्मू काश्मीर पोलिसांनी संयुक्तपणे ऑपरेशन केले.
मिळालेल्या माहितीनुसार, सुरक्षा दलांना पूंछ सेक्टरमध्ये दहशतवादी लपून बसल्याची गुप्त माहिती मिळाली होती. या माहितीच्या आधारे लष्कर आणि जम्मू-काश्मीर पोलिसांनी संयुक्तपणे शोधमोहीम सुरू केली. शोधमोहिमेदरम्यान, दहशतवाद्यांनी सुरक्षा दलांवर गोळीबार सुरू केला. सुरक्षा दलांनीही त्याला चोख प्रत्युत्तर दिले.
या चकमकीत दोन दहशतवाद्यांचा खात्मा करण्यात यश आले आहे. सध्या या परिसरात शोधमोहीम अजूनही सुरू आहे, जेणेकरून इतर कोणताही दहशतवादी लपून बसला असेल तर त्याला शोधता येईल. या घटनेनंतर परिसरात सुरक्षा व्यवस्था कडक करण्यात आली आहे.