इस्रायलच्या अडचणीत वाढ, फ्रान्ससह १४ देश पॅलेस्टाईनला देश म्हणून मान्यता देण्याच्या तयारीत

  87


गाझा : इस्रायल गाझामध्ये हमास विरोधात लढत आहे. ही लढाई सुरू असताना युरोपमधील देशांनी एक निर्णय घेण्याची तयारी सुरू केली आहे. यामुळे इस्रायलच्या अडचणीत वाढ होणार आहे. इंग्लंड आणि फ्रान्स तसेच एंडोरा, कॅनडा, ऑस्ट्रेलिया, फिनलंड, आइसलंड, आयर्लंड, लक्झेम्बर्ग, माल्टा, न्यूझीलंड, सान मारिनो, पोर्तुगाल, नॉर्वे, स्लोव्हेनिया, स्पेन या देशांनी पॅलेस्टाईनला देश म्हणून मान्यता देण्याची तयारी सुरू केली आहे.


इस्रायलने गाझामध्ये सुरू असलेली कारवाई थांबवली नाही तर संयुक्त राष्ट्रांच्या सप्टेंबर महिन्यात होणाऱ्या महासभेत पॅलेस्टाईनला देश म्हणून मान्यता देण्याचा प्रस्ताव सादर करण्याचे संकेत आतापर्यंत १४ देशांनी दिले आहेत. फ्रान्सच्या परराष्ट्रमंत्र्यांनी सोशल मीडियात एक प्रसिद्धीपत्रक प्रदर्शित केले आहेत. यात १४ देशांच्या परराष्ट्रमंत्र्यांनी सही केलेले एक संयुक्त निवेदन आहे. या निवेदनाद्वारे १४ देशांनी पॅलेस्टाईनला देश म्हणून मान्यता देण्याची तयारी सुरू केल्याचे स्पष्ट संकेत दिले आहेत. हा इस्रायलसाठी मोठा धक्का समजला जात आहे.


आम्ही ७ ऑक्टोबर २०२३ रोजी झालेल्या हल्ल्याचा निषेध करतो. हमासने तातडीने सर्व अपहृतांना सोडून द्यावे. याचसोबत आम्ही इस्रायल आणि पॅलेस्टाईनला थेट चर्चा करुन प्रश्न सोडवण्याचे आवाहन करतो. वेस्ट बँक आणि गाझासह पॅलेस्टाईन या देशाला मान्यता द्यायला हवी असे आम्हाला वाटते; असे प्रसिद्धीपत्रक १४ देशांच्या परराष्ट्रमंत्र्यांच्या सह्यांनी काढण्यात आले आहे.


गाझा मोठ्या प्रमाणात जीवितहानी होत आहे. यामुळे मानवी संकट निर्माण होत आहे. या प्रकरणात मानवाधिकार संघटनांनी लक्ष घालणे आवश्यक आहे. ही परिस्थती हाताळण्यासाठी संयुक्त राष्ट्रे ही संघटना समर्थ असल्याचे मत १४ देशांच्या परराष्ट्रमंत्र्यांनी व्यक्त केले आहे. इस्रायलसोबत आमचे चांगले संबंध आहेत आणि यापुढेही ते तसेच चांगले ठेवण्याची आमची इच्छा आहे. त्याचवेळी हे युद्ध थांबावे, असेही आम्हाला वाटते; असे मत १४ देशांच्या परराष्ट्रमंत्र्यांनी व्यक्त केले आहे.


Comments
Add Comment

लंडनमध्ये भारतीय रेस्टॉरंटला आग; पाच जण जखमी

लंडन: लंडनमध्ये एका भारतीय रेस्टॉरंटमध्ये आग लावल्याची धक्कादायक घटना समोर

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या

'श्री गणेश करूया...' म्हणत रशियन राजदूताने सुरू केली अमेिरकेवर टीका

भारत संबंधांवर परिणाम होणार नसल्याची रशियाकडून हमी मॉस्को : रशियाकडून भारताला मिळणाऱ्या कच्च्या तेलाची आयात