नवी दिल्ली: अमेरिकेच्या मध्यस्थीनंतर थायलंड आणि कंबोडिया यांच्यात तीन दिवसांपासून सीमेवरील सुरू असलेली हिंसा संपणार आहे. राष्ट्रपती डोनाल्ड ट्रम्प यांना दावा केला आहे की दोन्ही देशांच्या नेत्यांनी बातचीतनंतर सीजफायरसाठी सहमती दर्शवली आहे. त्यांनी दोन्ही देशांदरम्यानच्या संभाव्य ड्रीलबाबात इशारा दिला की जर ते असेच लढत राहिले तर व्यापारावर परिणाम होऊ शकतो.
थायलंड आणि कंबोडिया यांच्यातील हिंसेदरम्यान आतापर्यंत ३० जणांचा मृत्यू झाला आहे तर १.३ लाखाहून अधिक लोक विस्थापित झाले आहेत. ट्रम्प यांनी सांगितले की दोन्ही देशांचे नेते आपसात भेटतील आणि सीजफायरची रूपरेषा तयार करतील.
स्कॉटलंड दौऱ्यावर गेलेल्या ट्रम्प यांनी Truth Social वरील एका पोस्टमध्ये सांगितले की कंबोडियाचे पंतप्रधान हुन मानेट आणि थायलंडचे कार्यवाहक पंतप्रधान फुमथम वेचायाचाई यांच्याशी वेगवेगळी चर्चा झाली. राष्ट्रपती ट्रम्प यांनी लिहिले की, दोन्ही देशांच्या नेत्यांनी लगेचच भेट घेण्यासाठी तसेच युद्धविरामासाठी वेगाने काम करण्यावर सहमती दर्शवली आहे.