सॅन फ्रान्सिस्को : अमेरिकेतील मराठी शाळांना महाराष्ट्र शासनातर्फे अभ्यासक्रम देऊ, असे आश्वासन राज्याचे माहिती तंत्रज्ञान तथा सांस्कृतिक कार्य मंत्री एँड आशिष शेलार यांनी दिले.
अमेरिका दौऱ्यावर असणाऱ्या एँड आशिष शेलार यांनी कॅलिफोर्निया राज्यातील सॅन फ्रान्सिस्को येथील बे एरिया येथे मराठी शाळा चालवणाऱ्या महाराष्ट्र मंडळाच्या पदाधिकाऱ्यांची भेट घेतली. सेवा भावाने एकत्र आलेली मराठी माणसे आपल्या मुलांना मराठी भाषा, संस्कृती, इतिहास आणि आपल्या महाराष्ट्रातील लोकपरंपरा शिकवून "मराठीचा संस्कार" आपल्या नव्या पिढीवर व्हावा म्हणून इथे शाळा चालवतात. सन २००५ पासून ही शाळा चालवली जाते. सुमारे ३०० विद्यार्थी इथे मराठी शिकत आहेत.
अमेरिकेतील कॅलिफोर्निया राज्यातील सॅन फ्रान्सिस्को बे एरिया येथील महाराष्ट्र मंडळाच्या मराठी शाळेमध्ये सेवाभाव पद्धतीने हे शिक्षक मुलांना मराठी भाषा, संस्कृती, इतिहास आणि आपल्या महाराष्ट्रातील लोकपरंपरा शिकवून "मराठीचा संस्कार" देत येथील नव्या पिढीला घडवत आहेत. अत्यंत गौरवशाली… pic.twitter.com/bvtjVTD2W3
— Adv. Ashish Shelar - ॲड. आशिष शेलार (@ShelarAshish) July 25, 2025
मुंबई: महाराष्ट्राची राजधानी पुन्हा एकदा मुसळधार पावसाच्या तडाख्यामुळे ठप्प झाली आहे. पहाटेपासून पडत असलेल्या जोरदार पावसामुळे शहरातील अनेक रस्ते ...
अमेरिकेत अशा ५० हून अधिक शाळा या मराठीच्या असून काही सेवा भाव ठेवून इथली मराठी माणसे या शाळा चालवत आहेत. अमेरिकेतील स्थानिक प्रशासनाला जर महाराष्ट्र शासनाने शिफारस केली तसेच अभ्यासक्रम उपलब्ध करुन दिला तर मराठी भाषा शिकवणे, परिक्षा व प्रमाणपत्र विद्यार्थ्यांना देणे सुलभ होईल, असे या शाळेच्या पदाधिकाऱ्यांनी या भेटीत लक्षात आणून दिले.
अमेरिकेत कानी पडले मराठीचे सूर ! अमेरिकेतील कॅलिफोर्निया राज्यातील सॅन फ्रान्सिस्को येथील बे एरिया येथे आज मला मराठी भाषेवर नितांत प्रेम करणारी मराठी माणसे भेटली, त्यांचे मराठी भाषेवरील प्रेम पाहून खूप आनंद झाला. अमेरिका दौऱ्यात आज बे एरियातील महाराष्ट्र मंडळातर्फे चालवल्या… pic.twitter.com/mZoHPjK281
— Adv. Ashish Shelar - ॲड. आशिष शेलार (@ShelarAshish) July 25, 2025
दरम्यान याबाबत मुख्यमंत्री देवेंद्र फडणवीस आणि राज्याचे शालेय शिक्षण मंत्री दादा भूसे यांच्याशी चर्चा करुन महाराष्ट्र शासनाचे आवश्यक ते सहकार्य व शिफारस, अभ्यासक्रम नक्की देईल, असे आश्वासन मंत्री शेलार यांनी अमेरिकेतील महाराष्ट्र मंडळाला दिले आहे.
