प्रतिनिधी: काल २८ ते ३०% आईएक्स (IEX) शेअर कोसळला होता जो सकाळच्या सत्रात पुन्हा १२% वाढला. सकाळच्या सत्रात या शेअर्समध्ये झालेली वाढ ही तिमाही निकालातील आधारावर झाली. कंपनीचा काल पहिला तिमाही निकाल (Q1FY 26 Result) लागला. या निकालातील माहितीनुसार, कंपनीला इयर ऑन इयर बेसिसवर (YoY) एकत्रित निव्वळ नफ्यात (Consolidated Net Profit) मध्ये २५% वाढ झाली. मागील तिमाहीतील ९६ कोटींच्या तुलनेत कंपनीच्या नफ्यात २५% वाढ झाल्याने निव्वळ नफा १२० कोटींवर पोहोचला आहे.
या कारणांमुळे काल झालेली घसरण गुंतवणूकदारांनी भरून काढली. सरकारच्या एका अध्यादेशाने तिमाही निकालांच्या तोंडावरच शेअर्समध्ये परिणाम झाला. सरकारने आईएक्स (India Energy Exchange IEX) या विजेच्या व्यापार होत असलेल्या एक्सचेंज मध्ये वीज किंमतीची बोली एकसमान असली पाहिजे असा अध्यादेश जारी करून याबाबत स्पष्टीकरण दिले. त्यामुळे आता पॉवर कंपलिंगनुसार अनेक पॉवर एक्सचेंजमध्ये बोल्या लावून त्यांना एका ठराविक किंमतीसाठी एकत्रितपणे एक्सचेंजसाठी मंजूरी देणार असल्याचे केंद्रीय विद्युत नियामक आयोगाने (CERC) नियामक मंडळाने स्पष्ट केले त्यानंतर बाजारात कंपनीचा शेअर मोठ्या प्रमाणात कोसळल्याने गुंतवणूकदारांचे १४८० कोटींचे नुकसान झाले होते. सकाळच्या सत्रात मात्र तिमाही निकालानंतर वाढ झाली आहे.
आईएक्सला तिमाहीतील निकालाप्रमाणे, कंपनीने नफ्यासोबत महसूलातही वाढ नोंदवली आहे. कामकाजातून मिळालेल्या महसूलात (Revenue from Operations) मध्ये इयर ऑन इयर बेसिसवर १३% वाढ झाल्याने १२४ कोटींवरून महसूल १४० कोटींवर पोहोचला. तथापि, IEX साठी गळ्या गोष्टी काही आलबेल नाहीत. बाजार तज्ञांच्या मते, नवीनतम घडामोडी कंपनी आणि स्टॉकवर लक्षणीय परिणाम करू शकतात कारण त्याचा थेट परिणाम व्यवहार उत्पन्नावर होईल, जो सूचीबद्ध घटकाच्या (Listed Entity) एकूण उत्पन्नाच्या ७० टक्क्यांहून अधिक आहे. त्यामुळे, फर्मच्या स्टॉक किमतीत आणखी सुधारणा अपेक्षित आहेत. त्यामुळे अखेरच्या सत्रात कंपनीच्या शेअर्समध्ये काय हालचाल होते ते पाहणे महत्त्वाचे आहे.
