प्रतिनिधी: इटर्नल लिमिटेड या झोमॅटो (Zomato) कंपनीच्या मुख्य कंपनी (Parent Company) ने आपला तिमाही निकाल जाहीर केला होता. त्याच पार्श्वभूमीवर कंपनीच्या शेअर्समध्ये जोरदार वाढ झाली आहे. सकाळी बाजार उघडल्यावर काही वेळात कंपनीचा शेअर ११.४७% पर्यंत उसळला होता. प्रामुख्याने चांगल्या तिमाहीनंतर तज्ञांनी कंपनीच्या फंडामेंटलमध्ये विश्वास व्यक्त केल्याने यामध्ये आणखी भावनात्मक भरली व शेअर उसळला. अगदी बाजार उघडल्यावरच शेअर १४.८% पर्यंत उसळला होता. ब्रोकरेज कंपन्यानी चांगला संदेश दिल्यानंतर क्विक कॉमर्स कंपनीचा शेअर उसळला.
इटर्नल (Zomato ,Blnkit) या कंपन्यांची मुख्य कंपनी आहे. कंपनीने या पहिल्या तिमाहीत निव्वळ नफ्यात संख्यात्मक घट नोंदवली असली तरी कंपनीत चांगली स्थिरता असल्याने हा कौल गुंतवणूकदारांना दिला. कंपनीला मागील तिमाहीतील २५३ कोटींच्या तुलनेत घसरण होत या तिमाहीत २५ कोटींचा निव्वळ नफा झाला. कंपनीच्या कामकाजातून मिळणाऱ्या महसूलात इयर ऑन इयर बेसिसवर (YoY) ७०% वाढ झाली आहे. मागील वर्षाच्या तिमाहीत कंपनीला ४२०६ कोटींचा महसूल मिळाला होता जो वाढत ७१६७ कोटींवर गेला आहे. करपूर्व कमाई ईबटा (EBITDA) मध्ये इयर ऑन इयर बेसिसवर (YoY) ४२% घसरण झाली होती. कंपनीने शेअर्समध्ये ३.१% वाढ झाली होती.
