दहा जण किरकोळ जखमी
माणगाव : पावसाळी पर्यटनासाठी किल्ले रायगड आणि पुनाडेवाडी घरोशी वाडी येथील मनमोहक दृश्य आणि कोकणातील पावसाळी बहुविध निसर्ग सौंदर्याचा आनंद घेण्यासाठी मुंबई, पुणे शहर तसेच राज्यातून विविध पर्यटक मोठ्या संख्येने येत असतात. माणगाव किल्ले रायगड मार्गावर माणगाव घरोशी गावाच्या हद्दीत एका खासगी बसला झालेल्या अपघातात दहा प्रवासी किरकोळ जखमी झाले.
शनिवार, रविवार या दोन दिवशी रायगडावर पावसाळी पर्यटनासाठी गर्दी होत आहे. रविवारी पुणे येथून खासगी बसने टाटा कंपनीचे कर्मचारी गडावर आले होते. परतीच्या प्रवासात हा अपघात झाला. खासगी बस घरोशी गावाच्या हद्दीत पलटी झाली. यामुळे बसमधून प्रवास करणाऱ्या प्रवाशांपैकी दहा प्रवासी किरकोळ जखमी झाले. या प्रवाशांना पाचाड येथील प्राथमिक आरोग्य केंद्रात उपचारासाठी दाखल करण्यात आले. हा अपघात रस्त्यावर तीव्र उतार असल्याने गाडी घसरल्याने हा अपघात झाल्याचे सांगण्यात आले.
