२४ तास खुले रेस्टॉरंट
मुंबई : प्रवाशांना चांगल्या सुविधा आणि सोयीस्कर अनुभव देण्याच्या दिशेने आणखी एक पाऊल उचलत, पश्चिम रेल्वेच्या मुंबई मध्य विभागाने शनिवारी वांद्रे स्थानकावर "रेल्वे कोच रेस्टॉरंट" सुरू केले. या रेस्टॉरंटचे उद्घाटन केंद्रीय सामाजिक न्याय आणि सक्षमीकरण राज्यमंत्री रामदास आठवले आणि महाराष्ट्र राज्याचे माननीय माहिती तंत्रज्ञान आणि सांस्कृतिक कार्यमंत्री अॅड. आशीष शेलार यांच्या हस्ते झाले. हे रेस्टॉरंट 'वांद्रे स्टेशन महोत्सव'च्या मुख्य आकर्षणांपैकी एक आहे.
हे नवीन रेल कोच रेस्टॉरंट प्रवाशांना उत्कृष्ट सुविधा पुरवण्याच्या पश्चिम रेल्वेचे पुढचे पाऊल आहे . एका बंद पडलेल्या रेल्वे कोचचे अत्याधुनिक आणि सुसज्ज वातानुकूलित रेस्टॉरंटमध्ये रूपांतर करून त्याला एक अनोखा लूक देण्यात आला आहे. या उपक्रमात वारसा आणि आधुनिकतेचा सुंदर मिलाफ सादर केला आहे, ज्यामुळे प्रवाशांना आणि सामान्य लोकांना एक विशिष्ट आणि आरामदायी जेवणाचा अनुभव मिळतो. हे रेस्टॉरंट २४ तास खुले असेल आणि त्यात शाकाहारी आणि मांसाहारी दोन्ही प्रकारचे स्वादिष्ट पदार्थ दिले जातील, जे दररोज प्रवास करणारे, पर्यटक आणि खाद्यप्रेमींच्या विविध आवडीनिवडी लक्षात घेऊन तयार केले जातील.
