मुंबई : निकृष्ट अन्न दिल्याप्रकरणी शिवसेना आमदार संजय गायकवाड यांनी आकाशवाणी आमदार निवासातील कँटिनमध्ये काम करणाऱ्या कर्मचाऱ्याला मारहाण केली होती. यानंतर अन्न व औषध प्रशाससाने कारवाई केली होती. कँटिनमधील अन्नाचे नमुने घेतले होते. कँटिनचा परवाना स्थगित केला होता. पण चार दिवसांतच परिस्थिती बदलली आहे. पुन्हा एकदा कँटिन सुरू करण्यात आले आहे.
ज्यावेळी राडा झाला त्यावेळी कँटिन अजंता केटरर्सकडे होते. कँटिनचा कारभार पुन्हा एकदा अजंता केटरर्सनेच सुरू केला आहे. आकाशवाणी आमदार निवासातील कँटिन चार दिवस बंद ठेवल्यानंतर मंगळवार १५ जुलैपासून पुन्हा सुरू करण्यात आले आहे. केटरर्स न बदलता कँटिन पुन्हा सुरू करण्यात आल्यामुळे आश्चर्य व्यक्त होत आहे. पण अन्नाचा दर्जा सुधारल्यामुळे कँटिन पुन्हा सुरू केल्याचे अजंता केटरर्सचे म्हणणे आहे.
निकृष्ट अन्न बघून आमदार संजय गायकवाड यांनी नेसत्या वस्त्रानिशी येऊन कँटिनमध्ये काम करणाऱ्या कर्मचाऱ्याला मारहाण केली होती. टॉवेल आणि बनियनवर येऊन कँटिनच्या कर्मचाऱ्याला मारहाणा केल्याचा संजय गायकवाड यांचा व्हिडीओ व्हायरल झाला होता. यानंतर कारवाई झाली होती. पण चार दिवसांतच परिस्थिती मूळ पदावर आली आहे. अन्न व औषध प्रशासनाने घातलेल्या बंधनांचे पालन रण्याचे आश्वान मिळाल्यानंतरच कँटिन पुन्हा अजंता केटरर्सने सुरू केल्याचे सांगितले जात आहे. दरम्यान आमदार निवासातील कँटिनचे कंत्राट परप्रांतियाला कसे मिळते ? असा प्रश्न अनेकांनी विचारला आहे.