साप्ताहिक राशिभविष्य, १३ जुलै ते १९ जुलै २०२५
 | पूर्ण विचारांती निर्णय घ्यामेष : सरकारी नोकरी करणाऱ्यांनी खूप सावध राहिले पाहिजे. त्यांच्या कार्यक्षेत्रात काही चूक झाली, तर त्याचा त्यांना त्रास होऊ शकतो. काही जातक वरिष्ठ पदावर, सामाजिक क्षेत्रात काम करतात, त्यांनी कुठल्याही सामाजिक संमेलनात भाग घेताना, आपली प्रतिमा मलीन होऊ नये याची विशेष काळजी घेणे. या कालावधीमध्ये शत्रू तोंड वर काढण्याची शक्यता आहे. त्यामुळे आपल्या पदावर डाग लावण्याचा प्रयत्न करतील. तसेच ज्येष्ठ किंवा वडील यांच्याशी मतभेद होऊ शकतात, पण तुम्ही स्वतः शांत राहा. त्यांच्या विचाराशी सहमत व्हा. म्हणजे वाद-विवाद वाढणार नाहीत. प्रकृतीकडे विशेष लक्ष देणे आवश्यक. बाकी सर्व सारासार विचाराने प्रश्न सोडवाल. |
 | राहणीमानात उच्च बदलवृषभ : शुक्राचा गोचर भ्रमण चांगले आहे. त्यामुळे विवाह इच्छुकांचे विवाह ठरतील. प्रकृती स्वास्थ्य चांगले असेल. या कालावधीमध्ये हॉटेल, रेस्टॉरंट यांचा व्यवसायाला आर्थिक फायदा होईल. त्याचप्रमाणे संगीत, कला क्षेत्रातील लोकांना चांगल्या संधी येतील. खासगी क्षेत्रात नोकरी करणाऱ्यांना नोकरीसाठी दुसऱ्या शहरात जावे लागेल. विद्यार्थ्यांचे लक्ष अभ्यासात राहील. राजनीती क्षेत्रात काम करणाऱ्यांना हा कालावधी चांगला आहे. आपल्याला जर स्थावर मालमत्ता खरेदी करायची असेल, तर हा कालावधी चांगला आहे. नवीन संधी येतील. संधीचा फायदा घ्या. खेळाडू कलाकारांना प्रसिद्धीसह आपले कर्तृत्व सिद्ध करण्याच्या संधी मिळू शकतात. नोकरीविषयक समस्या सुटतील. |
 | चांगले यश मिळेलमिथुन : आपल्या बहीण-भावाबरोबर वाद-विवाद होण्याची शक्यता आहे. आपल्या बोलण्यावर नियंत्रण ठेवणे आवश्यक. शुभ ग्रहाच्या गोचर भ्रमणामुळे आपल्या राहणीमानात उच्च बदल होतील. गुंतवणूक करताना खूप विचारपूर्वक करा. शेअर मार्केट किंवा स्टॉकमध्ये नवीन गुंतवणूक करू नये. मित्र किंवा कुटुंबासमवेत बाहेर जाण्याचा, सहलीचा कार्यक्रम आखाल. मुलं आनंदात असतील. विद्यार्थ्यांना या कालावधीमध्ये चांगले यश मिळेल. विवाहित व्यक्तींना वैवाहिक सुख उत्तम मिळणार आहे. कुटुंबामध्ये मंगल कार्य घडेल. काहींचे परिचयोत्तर विवाह ठरतील. प्रेमात यश संपादित कराल. विद्यार्थ्यांनी अभ्यासाकडे लक्ष देणे गरजेचे आहे. |
 | नवीन बदल पोषक ठरू शकतातकर्क : काही जातकांना सावध राहणे आवश्यक आहे. जे जातक स्टॉक मार्केटमध्ये काम करतात त्यांना नुकसान होण्याची शक्यता. आपल्या क्षमतेपेक्षा जास्त गुंतवणूक करू नये. घाईगर्दीत कुठलेही व्यवहार करू नका. महिला वर्गांनी खरेदीवर नियंत्रण ठेवणे आवश्यक आहे. विवाहयोग्य मुलांसाठी चांगल्या घराण्यातून स्थळे येतील. सकारात्मक विचारांना प्राधान्य द्या. नवीन संधी येतील. नवीन बदल व्यवसायासाठी पोषक ठरू शकतात. व्यवसाय धंद्यात ही परिस्थिती समाधानकारक राहील. काही नवीन अनुबंध जुळुन नवीन व्यापाराच्या संधी उपलब्ध होतील. व्यावसायिक जुनी येणी वसूल होतील. |
 | ध्येय प्राप्ती करून घ्यालसिंह : सकारात्मक विचारांना प्राधान्य द्याल. आपले लक्ष पुरे करण्यासाठी आता आपण जास्त मेहनत व ध्येय प्राप्ती करून घ्याल. खासगी नोकरी करणाऱ्यांना सावध राहण्याचा इशारा. सहकार्य वर्गाशी काही वादविवाद होण्याची शक्यता. त्यामुळे मानसिक संतुलन बिघडेल. कौटुंबिक सौख्य व वैवाहिक सौख्य चांगल्या प्रकारे मिळणार आहे. तसेच सरकारी नोकरीमध्ये लहान-मोठ्या प्रलोभनांपासून दूर राहा. अनेक मार्गांनी धनलाभ होण्याची शक्यता. अतिरिक्त कार्यभार सोपविला जाण्याची शक्यता. आर्थिक परिस्थिती उत्तम राहील. |
 | परदेशगमनाचे योगकन्या : शुभ ग्रहांचे भ्रमण आपल्याला लाभकारी ठरणार आहे. एखाद्या व्यवसायामध्ये आर्थिक लाभ होणार आहे. नोकरीमध्ये पदोन्नती अथवा वेतन वृद्धीसारख्या घटना घडू शकतात. काहींना परदेशगमनाचे योग. एखादी विशेष महत्त्वाची कामगिरी सोपवली जाऊ शकते. वैवाहिक जीवनामध्ये मधुरता येईल. संततीविषयीच्या प्रश्नांवर मार्ग निघणार आहेत. आळसाचा त्याग करून आपल्या कामाकडे लक्ष केंद्रित करा. स्पर्धा परीक्षेची तयारी करणाऱ्या विद्यार्थ्यांनी अभ्यासासाठी जास्त वेळ द्यावा. |
 | सुख-सुविधा वाढवण्यासाठी खर्च करालतूळ : आपल्या कार्यक्षेत्रामध्ये नवीन जबाबदाऱ्यांमुळे आपले खूप काम वाढणार आहे. वेळेमध्ये आपले टार्गेट पूर्ण होते की नाही अशी शंका येणार आहे. पण आपण आपले काम वेळेत पूर्ण कराल. त्यामुळे आपले वरिष्ठ अधिकारी यांच्याशी संबंध चांगले राहतील. आपल्याला परदेशात सहलीचे बक्षीस मिळू शकते. व्यापार-व्यवसायात नवनवीन ओळखी होतील. राजकीय क्षेत्रातील व्यक्तींना प्रकृतीची काळजी घेणे आवश्यक. राहत्या घरातील भौतिक सुखसुविधा वाढवण्यासाठी खर्च कराल. |
 | सहयोग मिळेलवृश्चिक : आपल्याला आर्थिक लाभ चांगल्या प्रमाणातच होणार आहेत. या कालावधीमध्ये आपले कर्ज फिटून जाणार आहे. त्यामुळे आपल्याला मानसिक समाधान व शांतता मिळणार आहे. व्यापार व्यवसायामध्ये आपल्या बहीण-भावांचा पूर्ण सहयोग मिळणार आहे. आपणास लहान मोठ्या अडचणीही येऊ शकतात. तसेच मोठ्या आव्हानांना सामोरे जावे लागेल. त्यासाठी आपणास मित्र-मैत्रिणींचा सहयोग मिळेल. मित्र व भावंडं यांच्या सहयोगाने प्रगती होईल. नोकरीमध्ये वरिष्ठांचे सहकार्य लाभल्यामुळे महत्त्वाची कामे पार पाडू शकाल. |
 | पथ्य पाळाधनु : आपल्या वैवाहिक जीवनामध्ये ऊन सावलीची परिस्थिती निर्माण होणार आहे. आपली जवळची व्यक्ती आपल्या बदनामीला कारण होऊ शकते. याच कारणाने आपले वैवाहिक जीवन अस्थिर होऊ शकते. लहान मोठ्या होणाऱ्या कौटुंबिक वादविवादांकडे जाणीवपूर्वक दुर्लक्ष करणे हिताचे ठरेल. तसेच आपली मते इतरांवर लादू नका. कोणताही लहान-मोठा निर्णय शांतपणे व पूर्ण विचारांनी घेण्याची आवश्यकता. स्वतःच्या प्रकृतीकडे लक्ष देणे आवश्यक. पथ्य पाळा. |
 | भावनांवर नियंत्रण ठेवणेमकर : आपण बेकायदेशीर मार्गातून धनप्राप्ती कमावल्यास हातात काही येणार नाही. आपल्या कर्तृत्वावरच आपण आपले धन कमवावे. नोकरीमध्ये आपल्या अधिकार कक्षेमध्ये आपली कार्य पूर्ण करा. प्रेमी प्रेमिकांना काही आव्हानांना सामोरे जावे लागणार आहे. आपल्या भावनांवर नियंत्रण ठेवणे चांगले. नोकरीमध्ये शुभ कालावधी आहे. व्यवसायामध्ये वृद्धी होईल. आपल्या इच्छा पूर्ण होतील. कार्यक्षेत्रात प्रगती होईल. कुटुंबातील तरुण-तरुणींचे नोकरी विषयक प्रश्न सुटतील. पूर्वी दिलेल्या नोकरी विषयक मुलाखतीतून नोकरीसाठी बोलावणे येऊ शकते. रोजगाराचा प्रश्न सुटेल. |
 | शुभ समाचारकुंभ : या सप्ताहात काही चांगले ग्रह योग आहेत. आपण ज्या गोष्टीत हात घालाल त्यामध्ये आपल्याला यश मिळेल. आपले काम आपणच करा आजचे काम उद्यावर ढकलू नका. आळस नको. सतत कार्यमग्न, प्रयत्नशील राहणे गरजेचे. नवीन वाहन खरेदी करण्याचे योग. ज्या विद्यार्थ्यांना आपल्या मनाजोगत्या संस्थेमध्ये शिक्षण घेण्याची इच्छा होती, त्या संस्थेत किंवा इन्स्टिट्यूटमध्ये त्यांना प्रवेश मिळू शकते. मनातील ही इच्छा पूर्ण होईल. विद्यार्थ्यांना अनुकूल काळ आहे. त्यांना शुभ समाचार मिळू शकतात. स्कॉलरशिप ही मिळू शकते. आपल्या आवडत्या क्षेत्राची निवड करता येईल. तसेच स्पर्धात्मक यश मिळेल. कुटुंबातून व गुरुजनांकडून मार्गदर्शनासह मदत मिळू शकते. |
 | विशेष संधी उपलब्ध होतीलमीन : आपली आर्थिक स्थिती चांगली राहणार आहे. आर्थिक लाभही मोठ्या प्रमाणात होतील. न मिळणारे पैसे देखील आपणास मिळतील. व्यावसायिक जुनी येणी वसूल होतील. नव्याने उधारी टाळा. नोकरीमध्ये विशेष संधी उपलब्ध होतील. काहींना परदेशगमनाचे योग. जे जातक नोकरीच्या शोधात आहेत अशा जातकांना नोकरी मिळेल. आपल्याला जवळच्या मित्राकडून आर्थिक लाभ होऊ शकतात. आपल्या कुटुंबामध्ये सुख, शांती आणि समन्वय याचे वातावरण असेल. कुटुंबासाठी कर्तव्यपूर्ती करण्याचे समाधान लाभेल. कुटुंबातील जुने वाद संपुष्टात येतील. आप्तेष्ट, नातेवाईकांशी बिघडलेले संबंध पुन्हा चांगले होतील. |