कानाची बात

  12

काव्यकोडी : एकनाथ आव्हाड


आई म्हणाली कानाची
काय सांगू बात
जरा खुट्ट वाजले की,
लगेच टवकारतात

हलक्या हाताने कधी
स्वतःला घेतात टोचून
दिमाखात मिरवतात
कधी कर्णफुले घालून

ओरडणं, खिदळणं
सारं सारं ऐकतात
नको ते ऐकून कधी
अडचणीतही आणतात

काहीजण गुपचूपपणे
कानमंत्र देतात
काहीवेळा दुर्लक्ष करून
कानामागे टाकतात

काही आपले कान उपटून
चांगलाच धडा देतात
लक्षात ठेवून हे काहीजण
कानाला लावतात खडा

कान देऊन ऐकल्यावर
सापडतो चांगला सूर
हलक्या कानाचा असणे
या दुर्गुणाला ठेवावे दूर

दुसऱ्यांबद्दल कान भरणे
ही गोष्ट चांगली नाही
कानीकपाळी ओरडून
आई सतत सांगत राही.
Comments
Add Comment

गणपतीची अनेकविध रूपं

डॉ. अंबरीष खरे : ज्येष्ठ अभ्यासक सध्या अवघे समाजमन गणेशोत्सवाच्या तयारीत गर्क आहेत. लवकरच नेहमीच्या उत्साहात

असा झाला गणेशाचा जन्म

महाभारतातील मोतीकण : भालचंद्र ठोंबरे हिंदू संस्कृतीत गणपती या देवतेला सर्वोच्च मान असून गणपती हा विघ्नहर्ता

‘तुमको ना भूल पाएंगे.’

नॉस्टॅल्जिया : श्रीनिवास बेलसरे सुमारे ९९ वर्षांपूर्वी पाकिस्तानच्या पंजाब प्रांतात जन्मलेल्या श्रीष्टीनाथ

सर्वेपि सुखिनः सन्तु।

संवाद : गुरुनाथ तेंडुलकर आपण ब्रिटिशांच्या गुलामगिरीतून मुक्त झालो, देश स्वतंत्र झाला. हे स्वातंत्र्य

मुलांना चांगल्या सवयी कशा लावाल?

आनंदी पालकत्व : डाॅ. स्वाती गानू लहानपणापासून मुलांना चांगल्या गोष्टी किंवा संस्कार दिल्यास भविष्यात हीच मुलं

प्रथम तुला वंदितो...

मनस्वीनी : पूर्णिमा शिंदे कोणत्याही कार्याची सुरुवात श्री गणेशाच्या पूजेने होते. असा हा पवित्र, मंगलमय,